مکتوبات احمد (جلد چہارم) — Page 461
مکتوبات احمد ۴۶۱ جلد چهارم مکتوب نمبر ۳ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ السلام علیکم ورحمۃ اللہ و برکاتہ آپ کا خط مجھ کو ملا ۔ چونکہ خدا تعالیٰ کے وعدہ کے موافق کئی نشان میری تائید میں ظاہر ہونے والے ہیں اور میں امید رکھتا ہوں کہ وہ جلد ظاہر ہوں گے اس لئے میرے نزدیک بالفعل مباہلہ کی ضرورت نہیں ۔ آپ ان آسمانی نشانوں کے منتظر رہیں ۔ باقی سب خیریت ہے ۔ اور اخویم ذوالفقار علی خان اور تمام دوستوں کو السلام علیکم ۔ - خاکسار مرزا غلام احمد علی اللہ حضرت مولانا عبد الرحیم نیر صاحب رضی اللہ عنہ نے ایک مرتبہ حضرت اقدس علیہ السلام کی خدمت میں عریضہ لکھا : سیدی و مولای علیک التحیات والسلام و آیت مجید إِنَّكَ لَعَلَى خُلُقٍ عَظِیم کے مجھے جرات دلاتی ہے کہ حضور کو اس عریضہ کے جواب تحریر فرمانے کی تصدیع دوں۔ خادم کی رخصت قریب الاختتام ہے اس لئے بعد از جمعہ واپس جانے کی اجازت کا طلبگار ہے۔ میں حضور کے دعاوی کا ہندی زبان میں ترجمہ کرنا چاہتا ہوں ، آیا کشتی نوح میں سے حضرت کی تعلیم کا حصہ ہی پہلے لے لوں یا جو حکم ہو۔ دعا فرماویں کہ اللہ پاک خادم کو سلسلہ عالیہ کی اشاعت میں کامیاب کرے۔ دعا کا خواستگار حضور کا ایک ادنی غلام عبدالرحیم آمده از پورب ۲۳ جون ۱۹۰۵ء الحکم جلد ۴۱ نمبر ۲ مورخه ۲۸ جنوری ۱۹۳۸ ء صفحہ ۷ لیے القلم : ۵