صحیح بخاری (جلد ہشتم) — Page 367
حيح البخاری جلد ۸ ۶۴ - کتاب المغازی قبیلہ خزاعہ کی بعض شاخوں کے ساتھ غیر جانبدار رہنے کا معاہدہ تھا۔معاہدہ صلح کی شق نمبر 1 کے تحت قبائل خزاعہ ، جہینہ اور سلیم وغیرہ اعلانیہ آپ کے حلیفوں میں شامل ہو گئے جس سے آپ کی سیاسی طاقت بڑھ گئی۔اس غیر معمولی ترقی کا اندازہ اس امر سے بآسانی ہو سکتا ہے کہ غزوہ حدیبیہ میں سر فروش مجاہدین کی تعداد چودہ پندرہ سو کے لگ بھگ تھی۔لیکن صرف دو برس کے بعد فتح مکہ کے موقع پر دس ہزار ہوگئی تھی۔فتح حدیبیہ تسخیر قلوب والی فتح اوریشم تھی نہ درہم و دینار وسطوت و جبروت کی فتح۔حضرت خالد بن ولید اور حضرت عمرو بن العاص کو جو مفتوحین قریش میں سے تھے بعد میں جو فتوحات حاصل ہو ئیں وہ بھی در حقیقت فتح حدیبیہ ہی کا تسلسل تھا اور یہ دور و نزدیک فتوحات کی وجہ سے واقعہ حدیبیہ فتحا قریبا کے نام سے تعبیر کیا گیا ہے۔قریبا سے مراد آسان تر۔بعض اموالِ غنیمت کے اعتبار سے فتح خیبر کو قریب ترین فتح سمجھتے ہیں لیکن یہ معیار درست نہیں بلکہ دراصل وہی معیار درست ہے جو صحابہ کرائم سمجھے ہیں اور جس کا ذکر حضرت براء بن عازب کی روایت (نمبر ۴۱۵۰) میں اوپر گزر چکا ہے۔امام ابن حجر نے إِنَّا فَتَحْنَا لَكَ فَتْحاً مبينا کی تفسیر عامر شعبی کے حوالہ سے نقل کی ہے کہ اس فتح مبین سے مراد صلح حدیبیہ ہے اور اس کی عظمت کے بارے میں استدلال آیت کے الفاظ لِيَغْفِرَ لَكَ اللَّهُ مَا تَقَدَّمَ مِنْ ذَنْبِكَ وَمَا تَاخَرَ (الفتح: ٣) سے بھی کیا ہے۔(فتح الباری جزءے صفحہ ۵۵۱) کیونکہ سیاق کلام سے ظاہر ہے کہ تبلیغ حق اور اصلاح خلق کی راہ میں جو جو روکیں تھیں وہ سب اس صلح کی برکت سے اُٹھا دی گئیں۔لفظ ذئب سے مراد وہ کو تاہی ہے جو بوجہ مخالفانہ حالات فرض منصبی کی ادائیگی میں واقع ہورہی تھی۔اس کو تاہی کے اسباب دور ہونے پر نبی اکرم صلی یکم اپنی بعثت کی غرض و غایت پایہ تکمیل تک پہنچانے میں بہت جلد کامیاب ہو گئے۔آیت إِنَّا فَتَحْنَا لَكَ فَتْحًا مُبِينًا کی شرح کے تعلق میں دیکھئے روایت نمبر ۴۱۷۲۔اس روایت کا ایک حصہ حضرت انسؓ سے مروی ہے اور باقی حضرت عکرمہ سے۔قتادہ کی روایت سے بھی اس کی تائید ہوتی ہے۔فَأَنزل الله سے مراد تطبیق آیت ہے۔صحابہ کرام کے دریافت کرنے پر آپ نے انہیں فوز عظیم کی بشارت دی جس کا ذکر سورۃ الفتح کی پانچویں آیت میں ہے۔امام احمد بن جنبل ، ابو داؤد اور حاکم نے حضرت مجمع بن جاریہ کی روایت نقل کی ہے کہ جب ہم حدیبیہ سے لوٹے تو آنحضرت صلی اللہ علیہ وسلم کو کراع العمیم کے مقام پر کھڑے دیکھا اور آپ نے صحابہ کو جمع کیا اور سورۃ الفتح کی آیات پڑھیں۔ایک شخص نے آیات سن کر کہا: أَو فَنع هُوَ؟ کیا یہ فتح ہے ؟ آپ نے فرمایا: إِلَى وَالَّذِي نَفْسِي بِيَدِهِ إِنَّهُ لفتح۔اس ذات کی قسم ہے جس کے ہاتھ میں میری جان ہے ، یہ فتح ہے۔(فتح الباری جزء ے صفحہ ۵۵۰) (مكة والمدينة في الجاهلية وعهد الرسول لأحمد ابراهيم الشريف، صلح الحديبية، صفحه ۳۷۵- الصراع بين المدينة والقبائل العربية، صفحہ ۳۹۷) (سنن أبي داود، كتاب الجهاد، باب فيمن أسهم له سهما ) (مسند احمد بن حنبل، حدیث مجمع بن جارية ، جزء ۳ صفحه (۴۲۰) (المستدرك على الصحيحين للحاكم، كتاب التفسير ، تفسير سورة الفتح، جزء ۲ صفحه ۴۹۸)