صحیح بخاری (جلد ششم) — Page 51
صحيح البخاری جلد ٦ ۵۱ ۵۹ - كتاب بدء الخلق آنحضرت صلی اللہ علیہ وسلم کے جس عظیم مکاشفہ کا ذکر باب کی پہلی روایت میں ہے، یہ مکاشفہ مثل رؤیا تعبیر طلب ہے۔اس کے بعض حصے واضح ہیں۔مثلاً آپ کا سینہ چاک کیا جانا، پیٹ سے آلائش کا نکالنا اور اس کا حکمت وایمان سے بھرنا۔قرآن مجید میں آپ کے انشراح صدر اور کامل تطہیر و تزکیہ کا ذکر بیبیوں آیات میں ہے۔ان میں سے آیات آلم نَشْرَحْ لَكَ صَدْرَكَ وَوَضَعْنَا عَنْكَ وِزُرَكَه (الم نشرح: ۳۲) بھی ہیں اور بعض تمثیلی صورت میں ہیں جو محتاج تاویل ہیں۔دونوں حصوں کے لئے دیکھئے تفسیر کبیر مصنفہ حضرت مرزا بشیر الدین محمود احمد صاحب خلیفہ اسیح الثانی رضی اللہ عنہ تفسیر سورۃ بنی اسرائیل جلد ۲ صفحہ ۲۷۹ تا ۲۹۸۔آیت اسراء کی اس شرح میں اس ادراج ( خلط ملط ) سے متعلق بھی سیر کن بحث ہے۔جس کی طرف امام بخاری نے روایت نمبر ۳۲۰۷ کے آخر میں اشارہ کیا ہے۔حدیث اسراء کے سمجھنے کے لئے مذکورہ بالا حصہ تفسیر کا مطالعہ از بس ضروری ہے۔روایت نمبر ۳۲۰۸ میں پیدائش انسان سے متعلق ملائکہ کے فرض منصبی کا ذکر ہے۔قرآن مجید میں اس پیدائش کی تکمیل کے لئے چھ حالتیں بیان ہوئی ہیں۔جس کے بعد نفخ روح ہوتا ہے اور ملک کے ذریعہ سے نوشتہ تقدیر تکمیل پاتا ہے۔جس میں پیدا ہونے والے انسان کے عمل ، رزق ، عمر اور اس کی سعادت یا شقاوت کی صورت متعین ہوتی ہے۔یہی معنی ہیں تقدیر کے جو تابع ہوتی ہے، ان مادی و روحانی اسباب کے جو اس کی پیدائش کا موجب ہوتے ہیں اور جن سے اس کی پیدائش کا ہیولی تیار ہوتا ہے اور یہی مفہوم ہے مذکورہ بالا حدیث کے الفاظ إِنَّ أَحَدَكُمْ يُجْمَعُ خَلْقَهُ فِي بَطْنِ أُمِّهِ کا یعنی تم میں سے ہر ایک کی پیدائش کے اسباب اس کی ماں کے پیٹ میں اکٹھے کر دیئے جاتے ہیں۔اسی مفہوم اور انہی معنوں میں زیادہ وضاحت کے ساتھ کئی آیات ہیں، جن میں سے ایک آیت یہ ہے : هُوَ أَعْلَمُ بِكُمْ إِذْ أَنْشَاكُمْ مِنَ الْأَرْضِ وَإِذْ اَنْتُمْ أَجِنَّةٌ فِي بُطُونِ أُمَّهَتِكُمْ فَلَا تُزَكُوا أَنْفُسَكُمْ ، هُوَ أَعْلَمُ بِمَنِ اتَّقَى (النجم: ۳۳) وه خوب علم رکھتا ہے جس وقت اس نے تمہیں زمین سے پیدا کیا اور جس وقت تم اپنی ماں کے پیٹ میں بحالت جنین (پوشیدہ) تھے۔سو اپنے نفسوں کو پاک نہ قرار دو۔متقیوں کو اللہ ہی خوب جانتا ہے۔اس آیت میں انسانی پیدائش کے دو زمانوں کا ذکر ہے۔ایک زمین سے پیدا کئے جانے کا زمانہ جس میں نہ صرف زمینی مواد شامل ہیں جو اس کی پیدائش میں بطور اسباب اولیٰ کام کرتے ہیں بلکہ سارا اجتماعی ماحول بھی اس میں شامل ہے جس کے افکار و خیالات اور اخلاق و عادات بھی والدین کی ذہنی و اخلاقی تخلیق میں بطور اہم اسباب و محرکات اولیٰ کے اثر انداز ہوتے ہیں۔بچہ حالت جنین میں جو اس کی پیدائش کا دوسراز مانہ ہے ان سے غائت درجہ متاثر ہوتا ہے۔اس آیت میں پیدائش انسانی کے انہی دو زمانوں کا ذکر کر کے نصیحت فرمائی ہے کہ ایسے حالات میں پیدا ہونے والے نفوس سے متعلق کوئی انسان نہیں کہہ سکتا کہ وہ کہاں تک پاکیزہ ہیں۔جب تک اللہ تعالیٰ اپنی وسیع مغفرت سے یاوری نہ فرما دے، انسان کو کامل تزکیہ نصیب نہیں ہوسکتا۔چنانچہ اللہ تعالیٰ نے مذکورہ بالا آیت کے پہلے حصے میں اپنی صفت واسع المغفرۃ کا ذکر فرمایا ہے کہ انسان چونکہ اپنی پیدائش کے بارے میں غیر مختار اور بے بس ہے، اس لئے ایسے نقائص جو زمینی مواد اور اجتماعی ماحول اور والدین کے افکار و اخلاق