صحیح بخاری (جلد ششم) — Page 478
صحيح البخاری جلد ؟ ۶۰ - كتاب احاديث الأنبياء ثانیاً: اوائل میں مسیحی لوگ انتہائی ظلم و ستم کا تختہ مشق بنائے گئے جس کی وجہ سے رومی مشرک اقوام کے درمیان ان کی زیست ناممکن ہو گئی اور انہیں رومی شہروں کے قرب و جوار میں زمین دوز پناہ گاہوں اور غاروں میں چھپ کر اپنی زندگی کے دن کاٹنے پڑے۔ان پناہ گاہوں کا نام catacombs ہے۔جس کے معنی ہیں زیر زمین مدافن۔طالب علمی ہی کے زمانہ میں مجھے ان کے متعلق ایک کتاب پڑھنے کا موقع ملا ہے اور اس میں ذکر تھا کہ مسیح کے حواری پطرس نیز پولوس و غیرہ بھی ان عیسائی مبلغین میں تھے جنہوں نے روم میں حضرت مسیح علیہ السلام کی تعلیم کے مطابق وعظ کئے۔نیروں ( Nero) شاہ روم (۳۷-۲۸ء) نے اپنے استاد سینیکا ( Seneca) کے حکم سے (۵۴-۶۲۸) میں عیسائیوں پر بے پناہ مظالم توڑے۔انہیں زندہ جلوایا اور مشہور ہے کہ جب وہ آگ میں تڑپ رہے ہوتے تھے، یہ سنگدل ظالم ان کے سامنے چبوترے پر بیٹھا سارنگی بجارہا ہوتا۔جس کی وجہ سے وہ ظلم و قساوت قلبی میں ضرب المثل ہے۔اس نے شبہ کی بناء پر اپنی ماں اور بیوی کو بھی قتل کروا دیا اور پطرس حواری کو الٹا لٹکا کر سولی پر ہلاک کیا۔ان کی اور دیگر حواریوں کی قبریں مذکورہ بالا زمین دوز پناہ گاہوں میں پائی جاتی ہیں اور ان مظلوم عیسائیوں کی قبروں کی وجہ سے ان غاروں کو Catacombs کہتے ہیں۔موجودہ زمانے کے اکتشافات کے ذریعہ ان مدافن سے تختیاں برآمد ہوئی ہیں، جن سے ان کے عقیدہ توحید کا علم ہوتا ہے اور اس وجہ سے وہ اصحاب الرقیم کہلائے۔رقیم کے معنی مرقوم ، رقم شدہ لکھا ہوا۔مزید حالات کے لئے دیکھئے : تفسیر کبیر مصنفہ حضرت مرزا بشیر الدین محمود احمد صاحب رضی اللہ عنہ تفسیر سورۃ الکہف جلد چہارم صفحہ ۴۱۸ تا ۴۲۷۔پہلی صدی عیسوی میں عیسائی موحدین کی داستان ظلم و ستم کا ذکر اسلامی مؤرخین ابن اسحاق وغیرہ نے بھی کیا ہے مگر ان کی روایات میں رطب و یابس اور سنے سنائے قصے داخل ہو گئے ہیں۔جس کی وجہ سے امام بخاری نے اَصْحَابُ الْكَهْفِ وَالرَّقِیم کا عنوان تو قائم کر دیا ہے مگر اس کے تحت کوئی روایت درج نہیں کی۔وثوق سے نہیں کہا جا سکتا کہ انہیں عیسائی موحدین کی تبلیغی جد و جہد اور شمال مغربی یورپ کی طرف ان کی نقل مکانی اور وہاں کی زیر زمین رہنے والی وحشی اور مشرک اقوام کے عیسائیت میں داخل ہونے کا علم تھا یا نہیں۔اس بارہ میں وہ بالکل خاموش ہیں۔لیکن ایک بات سے متعلق وثوق کے ساتھ کہا جا سکتا ہے کہ مذکورہ بالا عنوان اَم حَسِبْتَ أَنَّ أَصْحَابُ الْكَهْفِ وَالرَّقِيمِ نزولِ مسیح کسر صلیب قبل دجال کی پیشگوئی کے تعلق میں نبی اکرم صلی اللہ علیہ وسلم کے اس ارشاد کی بناء پر قائم کیا گیا ہے جو ائمہ کرام صلى الله نے حضرت ابوالدردار سے نقل کیا ہے۔ان کی دور روایتیں ہیں۔ایک میں ہے: أَنَّ النَّبِيِّ ﷺ قَالَ مَنْ حَفِظَ عَشْرَ آيَاتٍ مِّنْ أَوَّلِ سُوْرَةِ الْكَهْفِ عُصِمَ مِنَ الدَّجَّالِ۔اور دوسری میں ہے: مَنْ قَرَأَ الْعَشْرَ الْأَوَاخِرِ مِنْ سُوْرَةِ الكَهْفِ " یعنی جس نے سورۃ الکہف کی پہلی اور آخری دس آیات یاد کیں وہ فتنہ دجال سے بچایا جائے گا۔سند کی کسی خامی حمد (مسلم، کتاب صلاة المسافرين وقصرها، باب فضل سورة الكهف وآية الكرسي) (مسند احمد بن حنبل، مسند القبائل بقية حديث أبي الدرداء، جزء 1 صفحه ۴۴۶)