صحیح بخاری (جلد ششم) — Page 410
صحيح البخاري - جلد 4 ۱۰م ۶۰ - کتاب احاديث الأنبياء - باب میں کلمہ بشارت اور اس سے متعلق یہ حصہ نمایاں کیا گیا ہے جس سے ظاہر ہے کہ اس کا یہی موضوع ہے جو قارئین کو مدنظر رکھنا چاہیے تا سابقہ ابواب کے موضوع سے اس باب کا تعلق سمجھنے میں آسانی ہو اور ان کی توجہ غیر متعلق بحث کی طرف نہ جائے۔اسی ایک امر پر توجہ مرکوز کرانے کی غرض سے يَبْشُرُ ویبر کی شرح نقل کی گئی ہے اور وجیها کے معنی ہیں شَرِيفًا۔بہت بڑی شان والا۔وَجَاهَةٌ سے صیغہ مبالغہ ہے۔بَشِيرٍ ، بَشَّرَ يُبَشِّر سے مشتق ہے یعنی خوش کن خبر دینے والا۔عنوان باب میں یہ لفظی شرح بلا وجہ نہیں۔اس سے باب کا اصل موضوع متعین کرنا مقصود ہے۔وہاں بطور تمہید یہ بتایا گیا ہے کہ سورۃ مریم کی بشارت سے متعلق ایک خوش کن خبر دی جائے گی جو اپنی عظمت میں مہتم بالشان ہے۔ابوعبیدہ نے وجیہ کے یہی معنے بتائے ہیں کہ جو بادشاہوں وغیرہ کی توجہ والتفات کا آماجگاہ ہو۔( فتح الباری جزء ۶ صفحہ ۵۷۶) دونوں لفظ يَبْشُرُ وَيُبَشِّرُ اور وَجية عام فہم ہیں۔انہیں نمایاں کرنے سے امام موصوف کی غرض سوا اس کے نہیں کہ قارئین کی توجہ اس خوش کن اہم خبر کی طرف پھیر دی جائے مگر باوجود اس کے اصل موضوع چھوڑ کر یہ بحث اُٹھائی جاتی ہے کہ حسن کا جو صیغہ امر ہے اس کا مخاطب کون ہے معدوم یا موجود؟ اگر معدوم ہے تو اس سے خطاب حسن کیسا اور اگر موجود ہے تو شئے کی موجودگی میں اس کے وجود میں آنے کا حکم دینا بے معنی۔یہ سوال اُٹھا کر علماء اسلام کی طرف سے یہ جواب دیا جاتا ہے کہ خطاب دو قسم کے ہیں ایک خطاب تکلیفی جیسے شرعی احکام۔یہ بات کر اور فلاں بات نہ کر۔ایسے خطاب میں مخاطب کا وجو دضروری ہے اور دوسرا خطاب تکوینی جس میں مخاطب کے وجود کی ضرورت نہیں۔لیکن اصل حقیقت یہ ہے کہ ابتداء خلق کی کیفیت مخلوق کے احاطہ تحقیق و تصور سے باہر ہے۔خالق ہی کو اس کا علم ہو سکتا ہے۔باب ۴۴ یا باب ۴۶ کا یہ موضوع ہی نہیں کہ شارحین و قارئین اس کی بحث میں پڑیں بلکہ ان کا موضوع وہ مہتم بالشان آئندہ کی خبریں ہیں جن کا ذکر باب ۴۸ اور باب ۴۹ میں کیا ہے یعنی فتنہ دجال اور قاتل دجال مسیح موعود سے متعلق انذار و بشارت کیونکہ جو خبر پوری ہو چکی ہو وہ آئندہ کی بشارت نہیں کہلائے گی اور جب اس کا انکشاف آنحضرت صلی اللہ علیہ وسلم پر ہوا تو اس انکشاف کا اپنے معین کوائف کے ساتھ ظہور پذیر ہونا بھی كُن فَيَكُون ہی سے تھا اور یہ امر خلق کا ایسا وسیع بلکہ لا محدود دائرہ ہے جس میں انسانی منطق کو رسائی نہیں۔روایت (نمبر ۳۲۳۳) زیر باب ۴۶ میں حضرت مریم اور حضرت عیسی بن مریم علیہما السلام کی نسبت کسی ایسی خبر کا ذکر نہیں جو بشارت زمانہ مستقبل کہلا سکے اور اگر کچھ ذکر ہے تو ماضی کے الفاظ میں فرمایا: كَمَلَ مِنَ الرِّجَالِ كَثِيرٌ وَلَمْ يَكْمُلُ مِنَ النِسَاءِ إِلَّا مَرْيَمُ بِنتُ عِمْرَانَ وَآسِيَةُ امْرَأَةٌ فِرْعَوْنَ۔اور یہ دو کامل عورتیں وہ ہیں جن کا ذکر اس سے قبل اسی روایت کے حوالہ سے باب ۳۲ میں گزر چکا ہے اور اُس باب کے عنوان میں بحوالہ آیت وَضَرَبَ اللَّهُ مَثَلًا لِلَّذِينَ آمَنُوا امْرَأَةَ فِرْعَوْنَ۔۔۔۔(التحریم: ۱۲) بتایا گیا ہے کہ ان کی مثال مریم و آسیہ صفت امت محمدیہ کے مومن ہیں۔اس روایت کا باب ۴۶ میں تکرار اسی لئے ہے کہ امام موصوف کی اس باب سے غرض واضح طور پر متعین ہوتی ہے۔