صحیح بخاری (جلد پنجم) — Page 163
صحيح البخاری جلده ۱۶ ۵۶ - كتاب الجهاد والسير نام جسے بھجوایا گیا تھا حرام بن ملحان ہے۔قبائل رعل، بنولحیان، عصبیہ اور ذکوان بنوسلیم میں سے تھے اور انہوں نے شب خون مارا تھا اور ان کے خلاف مہینہ بھر دعا کی گئی۔ان کا سردار عامر بن طفیل اسلام کا بدترین دشمن تھا۔وفد کی اطلاع پا کر وہ پوری تیاری کے ساتھ ان کی گھات میں بیٹھ گیا اور سوئے ہوئے لوگوں پر اچانک ٹوٹ پڑا۔اس تعلق میں كتاب الجزيه باب ۸ نیز کتاب المغازی باب ۲۸ بھی دیکھئے۔فُرْتُ وَرَبِّ الْكَعْبَةِ : رب کعبہ کی قسم! میں نے اپنی مراد پالی۔حضرت حرام بن ملحان کا یہ ایمان افروز بے ساختہ فقرہ بعض کے لئے ہدایت کا موجب ہوا۔جس کی تفصیل اپنے موقع پر آئے گی کہ ان قاریوں کی مذکورہ بالا شہادت و قربانی رائیگاں نہیں گئی۔بَلِّغُوا قَوْمَنَا أَنْ قَدْ لَقِيْنَا رَبَّنَا فَرَضِيَ عَنَّا وَأَرْضَانَا: حضرت جبرائین کی پیغام رسانی کا یہ کلام موزوں ایک عرصہ تک ورد زبان رہا۔شدید صدمہ کی وجہ سے اور غم غلط کرنے کے لئے وہ بار بار دہرایا جاتا تھا۔روایت زیر باب سے یہ مراد نہیں کہ مذکورہ بالا فقرہ بطور قرات نماز میں پڑھا جاتا تھا۔لفظ قرآت عام پڑھنے اور لفظ نسخ محض ترک کرنے کے معنوں میں عموماً استعمال ہوتا ہے۔پس پڑھنے سے مراد صرف یہ ہے کہ یہ کلامِ موزوں ایک عرصہ تک لوگوں کی زبان پر جاری رہا اور پھر ایک عرصہ گذرنے پر یہ ذکر ختم ہو گیا۔صحابہ کرام کی غلط نہی بہت جلد دور ہو گئی تھی۔اس تعلق میں باب 19 کی تشریح بھی دیکھئے۔هَلْ أَنْتِ إِلَّا إِصْبَعَ دَمِیتِ : باب کی دوسری روایت میں آنحضرت صلی اللہ علیہ وسلم کے زخمی ہونے کا جو حادثہ مذکور ہے بعض شارحین کے نزدیک غزوہ احد اور بعض کے نزدیک غزوہ خندق میں پیش آیا تھا۔ایک پتھر لگنے سے آپ کی انگلی زخمی ہوئی اور آپ نے فِی سَبِیلِ اللهِ مَا لَقِیتِ کہہ کر اسے معمولی زخم قرار دیا اور اس کے ساتھ زخمی انگلی کی عظمت کی طرف بھی اشارہ فرمایا ہے، جسے ایسے وقت میں زخم پہنچا جبکہ آپ مصروف جہاد تھے صحیح مسلم کی روایت میں لفظ في غار ہے ہے جس کے معنی فوج یا فوج کشی اور چڑھائی کے کئے گئے ہیں اور اس کی تصدیق صحیح بخاری کی روایت زیر باب سے بھی ہوتی ہے۔(عمدۃ القاری جز ۴۰ صفحه ۹۹) (لسان العرب - صبع) المفصل في الردّ على شبهات أعداء الإسلام، الباب الخامس شبهات حول السنة النبوية، جزء اصفر ٢١٢) (مسلم، كتاب الجهاد والسير ، باب ما لقي النبي من أذى المشركين والمنافقين)