صحیح بخاری (جلد دوم) — Page 32
صحيح البخاری جلد ۲ ۳۲ ١٠ - كتاب الأذان بعض فقہاء کا خیال ہے۔ٹھنڈی یا بارش والی رات میں باوجود اس کے کہ گھروں میں نماز پڑھنے کی اجازت ہے اذان دی جاتی ہے۔ثُمَّ يَقُولُ عَلَى اِثْره : ان الفاظ سے صاف ثابت ہوتا ہے کہ آلَا صَلُّوا فِي الرِّحَالِ کے الفاظ اذان مسنونہ ختم کرنے کے بعد کہے جائیں نہ کہ درمیان میں۔پانچویں روایت تکبیرا قامت سے متعلق مسئلہ بیان کرنے کی غرض سے لائی گئی ہے کہ حضر ہو یا سفر ، اقامت بھی ایسی ہی ضروی ہے جیسے اذان۔امام بخاری کے تصرفات لطیفہ میں سے یہ بھی ایک لطیف تصرف ہے کہ بعض وقت روایت ایسے لفظ پر ختم کر دیتے ہیں جو زیر بحث مسئلہ کے ساتھ خاص تعلق رکھتا ہے۔یہاں تکبیر اقامت کی طرف توجہ مبذول کرنے کے لئے آقامَ الصَّلوةَ پر روایت ختم کر دی ہے۔حالانکہ یہی روایت ایک اور سند کے ساتھ کتاب الصلوۃ باب٩٠: سُتْرَةُ الْإِمَامِ سُتْرَةً مَنْ خَلْفَهُ (روایت نمبر ۴۹۵) میں گزر چکی ہے اور وہاں اس کے آخر میں یہ الفاظ ہیں : تَمُرُّ بَيْنَ يَدَيْهِ الْمَرْأَةُ وَالْحِمَارُ - عنوان باب ( نمبر ۱۸) میں مسافر کا ذکر جو خصوصیت سے کیا گیا ہے تو اس کی وجہ یہ ہے کہ مندرجہ تمام روایتیں حالت سفر کے ساتھ تعلق رکھتی ہیں۔میجنان کے ذکر سے بھی یہی بتانا مقصود ہے کہ یہ دوران سفر کی بات ہورہی ہے۔ضجنان ایک مقام کا نام ہے، جو مکہ سے ۲۵ میل کے فاصلہ پر ہے (فتح الباری۔جزء ثانی صفحہ ۱۴۸) اور انصلح یا بطحاء بھی مکہ سے باہر مشہور جگہ ہے۔آپ ان جگہوں میں مسافر ہی تھے۔عنوان باب میں عرفہ اور مزدلفہ کا ذکر بھی اس وجہ سے کیا ہے کہ ان مقامات سے متعلق مستند روایتوں میں صریح کند کور ہے کہ عرفہ میں حضرت بلال نے اذان دی اور تکبیر اقامت کہی اور آپ نے ظہر اور عصر کی نماز جمع کی۔(مسلم، کتاب الحج، باب حجة النبی ) اور مزدلفہ میں آپ نے اذان اور اقامت کے ساتھ مغرب بھی پڑھی اور ایسا ہی عشاء بھی۔(بخاری، کتاب الحج، باب من اذن واقام لكل واحدة منهما، روایت نمبر ۱۶۷۵) یہاں علامہ ابن حجر نے یہ سوال اٹھایا ہے کہ عنوان باب اور اس کی روایت نمبر ۶۳۲ سے بظاہر یہ معلوم ہوتا ہے کہ صرف سفر میں یہ اجازت ہے کہ اگر بارش یا ٹھنڈی رات ہو تو گھر میں نماز پڑھنا جائز ہے۔حالانکہ جمہور کا اس بات پر اتفاق ہے کہ حضر میں بھی ایسا کرنا جائز ہے۔اس کی وجہ نہ صرف قیاس ہے جیسا کہ علامہ ابن حجر نے اس طرف اشارہ کیا ہے۔(فتح الباری جزء ثانی صفحہ ۱۴۹) بلکہ یہ وجہ بھی ہے کہ حالت حضر سے متعلق بھی ایسی روایتیں موجود ہیں۔(روایت نمبر ۶۱۶) باب ۱۹ هَلْ يَتَتَبَّعُ الْمُؤَذِّنُ فَاهُ هَهُنَا وَهَهُنَا وَهَلْ يَلْتَفِتُ فِي الْأَذَانِ کیا مؤذن اذان دیتے وقت اپنا منہ ( اذان کے ساتھ) اِدھر اُدھر کرے اور کیا وہ ادھر اُدھر مڑے وَيُذْكَرُ عَنْ بِلَالٍ أَنَّهُ جَعَلَ إِصْبَعَيْهِ فِي اور حضرت بلال سے بیان کیا جاتا ہے کہ انہوں نے