صحیح بخاری (جلد شانز دھم) — Page 859
صحیح البخاری جلد ۱۶ ۸۵۹ ۹۷ - كتاب التوحيد کی قوم بنادیا اور پھر اس کا ثبوت یہ ہے کہ ہر زمانہ میں آپ کی پاکیزگی اور صداقت کے ثبوت کے لیے اللہ تعالیٰ نمونہ بھیج دیتا ہے۔“ (ملفوظات، جلد ۲، صفحہ ۱۶۰) نیز فرماتے ہیں: تمام آدم زادوں کیلئے اب کوئی رسول اور شفیع نہیں مگر محمد مصطفی صلی اللہ علیہ وسلم سو تم کوشش کرو کہ سچی محبت اس جاہ و جلال کے نبی کے ساتھ رکھو اور اس کے غیر کو اس پر کسی نوع کی بڑائی مت دو تا آسمان پر تم نجات یافتہ لکھے جاؤ“ نیز فرمایا: (کشتی نوح، روحانی خزائن جلد ۱۹، صفحه ۱۳، ۱۴) شفیع کا لفظ شفع سے نکلا ہے جس کے معنی جفت کے ہیں۔اس لیے شفیع وہ ہو سکتا ہے جو دو مقامات کا مظہر اتم ہو یعنی مظہر کامل لاہوت اور ناسوت کا ہو۔لاہوتی مقام کا مظہر کامل ہونے سے یہ مراد ہے کہ اس کا خدا کی طرف صعود ہو۔وہ خدا سے حاصل کرے اور ناسوتی مقام کے مظہر کا یہ مفہوم ہے کہ مخلوق کی طرف اس کانزول ہو جو خدا سے حاصل کرے وہ مخلوق کو پہنچا دے اور مظہر کامل ان مقامات کا ہمارے نبی کریم صلی اللہ علیہ وسلم ہیں، اسی کی طرف اشارہ ہے: دنا فتدلی فَكَانَ قَابَ قَوْسَيْنِ أو أدنى (النجم : ۱۰۹) ہم دعویٰ سے کہتے ہیں کہ نبی کریم صلی اللہ علیہ وسلم کے بدوں کا مل حصہ مقام لاہوت کا کسی نبی میں نہیں آیا اور ناسوتی حصہ چاہتا ہے بشری لوازم کو ساتھ رکھے اور حضور علیہ الصلوۃ والسلام میں یہ ساری باتیں پوری پائی جاتی ہیں۔آپ نے شادیاں بھی کیں۔بچے بھی ہوئے دوستوں کا زمرہ بھی تھا۔فتوحات کر کے اختیاری قوتوں کے ہوتے ہوئے انتقام چھوڑ کر رحم کر کے بھی دکھایا۔جب تک انسان کے پیرایہ پورے نہ ہوں، وہ پوری ہمدردی نہیں کر سکتا۔اس حصہ اخلاق فاضلہ میں وہ نا مکمل رہے گا۔مثلاً جس نے شادی ہی نہیں کی وہ بیوی اور بچوں کے حقوق کی کیا قدر کر سکتا ہے اور اُن پر اپنی شفقت اور ہمدردی کا کیا نمونہ دکھا سکتا ہے۔رہبانیت ہمدردی کو دور کر دیتی ہے اور یہی وجہ ہے کہ اسلام میں رہبانیت کو نہیں رکھا۔غرض کامل شفیع وہی