صحیح بخاری (جلد شانز دھم) — Page 34
۳۴ ۸۸ کتاب استتابة المرتدين۔۔۔۔۔صحیح البخاری جلد ۱۲ اسْتَأْذَنَ رَهْ مِنَ الْيَهُودِ عَلَى النَّبِيِّ صَلَّى اللهُ عَلَيْهِ وَسَلَّمَ فَقَالُوا السَّامُ عَلَيْكَ: یہودیوں میں سے کچھ لوگوں نے نبی صلی اللہ علیہ وسلم کے پاس آنے کی اجازت مانگی۔وہ آئے تو کہنے لگے: السّامُ عَلَيْكَ۔علامہ بدر الدین عینی "لکھتے ہیں کہ تخط کا اطلاق دس سے کم مردوں پر کیا جاتا ہے جن میں عورت نہ ہو، اس کی جمع اربط اور ارهاط ہوتی ہے۔(عمدۃ القاری، جزء ۲۴ صفحہ ۸۳) یہود کے السّامُ عَلَيْكَ کے جواب میں دو روایات ۶۹۲۶ اور ۶۹۲۷ میں وَعَلَيْكَ اور وَعَلَيْكُمْ کے الفاظ ہیں جبکہ تیسری روایت ۱۹۲۸ میں علیك کا لفظ ہے۔یعنی اس میں ”و“ نہیں ہے۔بغیر داد کے ہی درست معلوم ہوتا ہے کیونکہ وَعَلَيْكَ يا وَعَلَيْكُمْ کا مطلب ہے ہم پر بھی ہو اور تم پر بھی جبکہ یہود کی بد دعا کو اپنے اوپر لینے کا کوئی جواز نہیں ہے۔آنحضرت صلی اللہ علیہ وسلم نے اس کی دوسری جگہ وضاحت بھی فرمائی ہے۔فرمایا: ان کی بد دعا میرے خلاف قبول نہیں ہوتی جبکہ میری دعا ان کے خلاف قبول ہوتی ہے۔پس ”واو“ کا یہ لفظ راویوں کی غلطی یازبان زد عام السّلامُ عَلَيْكُمْ کے جواب میں وَعَلَيْكُمْ کہنے کی عادت کا عفوه نتیجہ ہے۔واللہ اعلم بالصواب۔علامہ بدرالدین العینی لکھتے ہیں کہ جن روایات میں آنحضرت صلی اللہ علیہ وسلم پر سب و شتم کرنے والوں کے قتل کئے جانے کا ذکر ہے، اُن کو اُن کے سب و شتم کی وجہ سے قتل نہیں کیا گیا بلکہ اُن کا آپ کے خلاف جنگ کرنا اور آپ کے خلاف جنگ کرنے والوں کی مدد کرنا اُن کے قتل کا سبب بنا۔(عمدۃ القاری، جزء ۲۴ صفحہ ۸۲) ان واقعات سے یہود کی اخلاقی گراوٹ تو اظہر من الشمس ہے۔اصل بات اور حقیقی روح آنحضرت صلی اللہ علیہ وسلم کی سیرت کے وہ روشن پہلو ہیں جو ان روایات میں نظر آتے ہیں۔آپ کی اعلیٰ ظرفی، وسعت حوصلہ، اپنی ذات کے لئے کبھی کسی سے انتقام نہ لینا اور باوجودیکہ آپ مسلمہ طور پر حاکم اعلیٰ اور مدینہ کی سوسائٹی کے صدر تھے اور یہ یہودی آپ کی رعایا تھے اور آپ ہر سزادینے کے مجاز تھے مگر آپ کا ان یہود کی شرارتوں سے اعراض کرنا۔آپ کا حلم صبر اور رحم اپنے نقطۂ معراج پر دکھائی دیتا ہے۔آپ کا توکل علی اللہ اور إِنَّمَا أَشْلُوا بَقِي وَحُزْنِي إِلَى اللَّهِ (یوسف: ۸۷) یعنی میں اپنی پریشانی اور غم کی فریاد اللہ کے حضور کرتا ہوں اور مَنْ عَادَى لِي وَلِيًّا فَقَدْ أَذَنْتُهُ بِالْحَرْبِ (صحیح البخاری، کتاب الرقاق، باب التَّواضع، روایت نمبر ۲۵۰۲) یعنی جس نے میرے کسی ولی سے دشمنی کی تو پھر میں بھی اسے آگاہ کئے دیتا ہوں کہ میں اس سے لڑوں گا، کے مطابق آپ جانتے تھے کہ آپ کی طرف سے یہود کی ان گستاخیوں کی سزا خدا انہیں دے گا۔اسی اسوۂ رسول صلی اللہ علیہ وسلم کو قیامت تک زندہ رکھنا ہر عاشق رسول کا کام ہے۔اور واقعات نے یہ ثابت کیا کہ آپ کے قہار خدا نے ان یہودیوں پر کیسا قہر نازل کیا۔وہ جلا وطن ہوئے ، وہ قتل ہوئے اور عند اللہ مغضوب ہوئے۔قرآن کریم نے ایسی گستاخیوں اور توہین کرنے والوں کے کئی واقعات ریکارڈ کئے ہیں مگر کسی جگہ رسول اللہ صلی اللہ علیہ وسلم کی طرف سے کسی سزا کا ذکر نہیں کیا بلکہ ایسے ظالموں کو سزا دینے کا اختیار اللہ تعالیٰ نے اپنے ہاتھ میں رکھا ہے چاہے وہ اس دنیا میں دے یا آخرت میں۔اللہ تعالی کی گرفت اور پکڑ ہی سب سے بڑی سزا ہے جو ان گستاخ لوگوں کو دی گئی۔