صحیح بخاری (جلد شانز دھم) — Page 185
صحیح البخاری جلد ۱۶ ۱۸۵ ۹۱ - كتاب التعبير علیہ وسلم کا حلیہ بیان نہ کر پاتا تو اس سے کہتے کہ تم نے آنحضرت صلی اللہ علیہ وسلم کو خواب میں نہیں دیکھا۔(فتح الباری جزء ۱۲ صفحه ۴۷۹) شارح مسلم امام نووی کی رائے یہ ہے کہ جس شخص نے آنحضرت صلی اللہ علیہ وسلم کو خواب میں دیکھا اس نے بہر صورت آپ صلی اللہ علیہ وسلم کو دیکھا خواہ اس نے اس مخصوص صورت و حلیہ میں دیکھا ہو جو آپ صلی اللہ علیہ وسلم کے بارے میں منقول ہے یا کسی اور شکل و شباہت میں دیکھا ہو۔(فتح الباری جزء ۱۲ صفحہ ۴۸۳) علاوہ ازیں یہ نکتہ بھی ملحوظ رہنا چاہیے کہ شکل و شباہت میں اختلاف و تفاوت کا تعلق خواب دیکھنے والے کے ایمان کے کمال و نقصان سے بھی ہو سکتا ہے یعنی جس شخص نے خواب میں آنحضرت صلی اللہ علیہ وسلم کو اچھی شکل وصورت میں دیکھا۔یہ اس کے ایمان کامل اور عقیدے کے صالح ہونے کی علامت قرار پائے گا اور جس شخص نے اس کے بر خلاف دیکھا یہ اس کے ایمان کی کمزوری اور عقیدے کے فساد کی علامت قرار پائے گی۔اسی طرح ایک شخص نے آپ صلی اللہ علیہ وسلم کو بوڑھا دیکھا، ایک شخص نے جو ان دیکھا، ایک شخص نے رضامند دیکھا، ایک شخص نے خفگی کے عالم میں دیکھا، ایک شخص نے روتے ہوئے دیکھا، ایک شخص نے شاد و خوش دیکھا اور ایک شخص نے ناخوش دیکھا تو یہ ساری حالتیں خواب دیکھنے والے کے ایمانی احوال کے فرق و تفاوت پر مبنی ہوں گی کہ جو شخص جس درجہ کے ایمان کا حامل ہو گا وہ آپ صلی اللہ علیہ وسلم کو اسی درجہ کی مثالی صورت میں دیکھے گا۔( فتح الباری جزء ۱۲ صفحه ۴۸۲ تا ۲۸۴) اس اعتبار سے آنحضرت صلی اللہ علیہ وسلم کو خواب میں دیکھنا گویا اپنے احوال ایمانی کو پہچاننے کا معیار ہے۔لہذا یہ چیز سالکین طریقت کے لیے ایک مفید ضابطہ کی حیثیت رکھتی ہے کہ وہ اس کے ذریعہ اپنے باطن کی حالت کو پہچان کر اس کی اصلاح کریں۔حضرت اقدس مسیح موعود علیہ السلام سے مفتی سلسلہ نے کسی شخص کا ارسال کردہ سوال پوچھا کہ میں نے ایک بیوہ عورت کے ساتھ نکاح کا ارادہ کیا تھا تو رسول اللہ صلی علیم کو میں نے خواب میں دیکھا کہ آپ نے اس کے ساتھ نکاح سے منع فرمایا کیا اس پر عمل کیا جاوے یا نہیں؟ حضرت اقدس علیہ الصلوۃ والسلام نے فرمایا کہ آنحضرت صلی انم نے فرمایا ہے کہ مَن رَانِي فَقَد رَأَى الْحَقِّق لہذا اس پر عمل کیا جاوے۔“ (ملفوظات، جلد ۵ صفحه ۱۴۶) بَاب ۱۱: رُؤْيَا اللَّيْلِ رَوَاهُ سَمُرَةُ۔رات کو خواب دیکھنا حضرت سمرہ نے اس حدیث کو بیان کیا۔