صحیح بخاری (جلد پانز دہم) — Page 234
صحیح البخاری جلد ۱۵ ۸۱ - كتاب الرقاق تشريح : الْقَصْدُ وَالْمُدَاوَمَةُ عَلَى الْعَمَلِ : میانہ رو اور عمل دوام - الْقَصْدِ وَهُوَ السلوك في الطريق المعتدلة، ويُقال القصد استقامة الطريق بين الإفراط والتفريط (عمدۃ القاری، جزء ۲۳ صفحہ ۶۳ ) یعنی معتدل راہ پر چلنا قصد ہے اور کہا جاتا ہے افراط و تفریط کے درمیان متوسط طریق اختیار کرنا قصد ہے۔ الديمة في الأصل المطر المستمر يسكُون بِلا رعد ولا برق، ثم استعمل في غيره ۔ (عمدۃ القاری، جزء ۲۳ صفحہ (۶۵) دیمہ کے اصل معنی مسلسل بارش کے ہیں۔ جو پُرسکون ہو جس میں نہ کڑک ہو نہ بجلی، پھر یہ ہو نہ بھی، پھر یہ لفظ دوسرے معنوں میں بھی استعمال ہونے لگا۔ امام بخاری نے ابواب کی ترتیب میں باب ہذا اور زیر باب روایات سے اس اصل کی طرف توجہ دلائی ہے کہ اسلامی تعلیم وقتی طور پر جذبات کو اُبھار کر کوئی عمل کرانے کا نام نہیں ہے بلکہ جہد مسلسل کا نام ہے۔ اسی دوام کو آنحضرت صلی اللہ علیہ وسلم پسند فرماتے تھے اور آپ کا طرز عمل اور نمونہ بھی یہی تھا۔ دنیا میں ناکام لوگوں کی ناکامی کی ایک بہت بڑی وجہ عدم استقلال اور ادھورا پن ہوتا ہے ایسے لوگ اپنی منزل کو نہیں پاسکتے جن میں مستقل مزاجی اور کام جاری رکھنے کی عادت نہ ہو۔ حضرت مصلح موعود رضی اللہ عنہ فرماتے ہیں: جب تک اعمال میں استقلال اور مداومت کا رنگ نہ ہو اُس وقت تک وہ انسان کی روحانی زندگی پر اثر انداز نہیں ہوتے۔ کچھ دن تک التزام سے نماز پڑھنا پھر چھوڑ دینا، کچھ دن اصلاح و ارشاد کے کام میں جوش دکھانا پھر خاموشی اختیار کر لینا، کچھ دن تک قربانی کرنا اور پھر تھک جانا یہ ایسی چیز ہے جس کی وجہ سے انسان کی روحانی زندگی خطرہ میں ہوتی ہے اور وہ لوگ جو ایسا کرتے ہیں اللہ تعالیٰ کے فضلوں کے جاذب نہیں ہو سکتے۔ اللہ تعالیٰ کے فضل پورے طور پر انہیں لوگوں پر نازل ہوتے ہیں جو صرف اللہ تعالیٰ کی خاطر اعمال بجالاتے ہیں اور اس بات کے محتاج نہیں ہوتے کہ نبی یا خلیفہ اُن کو بار بار توجہ دلائے۔ وہ اس بات کا خیال نہیں کرتے کہ کسی بڑے آدمی نے تحریک کی ہے یا کسی چھوٹے آدمی نے، بلکہ وہ ہر نیک تحریک پر خواہ وہ نبی کی طرف سے ہو یا خلیفہ کی طرف سے ہو یا اس کے کسی نائب کی طرف سے ہو لیک کہنے کیلئے تیار رہتے ہیں یہی لوگ ہیں جو اللہ تعالیٰ کے فضلوں کے مورد بنتے ہیں۔“ " (نیکیوں پر استقلال اور دوام کی عادت ڈالیں، انوار العلوم جلد ۱۸ صفحہ ۱۷۶)