صحیح بخاری (جلد یازدہم) — Page 115
۱۱۵ صحيح البخاری جلد ۶۵ کتاب التفسير / الفرقان اس کو کچھ نہیں سمجھا۔فرماتا ہے: قُلْ مَا يَعْبُوا بِكُمْ رَبِّي لَوْلَا دُعَاؤُكُمْ فَقَدْ كَذَّبْتُمْ فَسَوْفَ يَكُونُ لِزَامًا (الفرقان: ۷۸) کہہ میرا رب تمہاری کیا پرواہ کرتا ہے اگر تمہاری دعا نہ ہو۔تم جھٹلا ہی چکے ہو عنقریب سزا اٹل ہو گی۔اس سے پہلے مومنوں کے متعلق فرماتا ہے کہ وہ یہ دعا کرتے رہتے ہیں: وَالَّذِيْنَ يَقُولُونَ رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا إِنَّهَا سَاءَتْ مُسْتَقَرًّا وَ مُقَامات (الفرقان: ۶۶، ۶۷) اور وہ (رحمن کے بندے) کہتے ہیں، اے ہمارے رب! ہم سے جہنم کا عذاب ٹلا دے۔اس کا عذاب ایک بہت بڑی تباہی ہے۔وہ (دوزخ) عارضی ٹھکانے کے طور پر بھی بری ہے اور مستقل ٹھکانے کے طور پر بھی (بری ہے۔) غراما کے معنی ہیں ایسی ہلاکت جو اٹل ہو اور پیچھا نہ چھوڑے۔غراما کے یہ معنی ابو عبیدہ سے منقول ہیں۔اسی سے ہے: رَجُلٌ مُغْرَم بالحبّ یعنی ایسا شخص جو گردیدہ محبت ہو۔(فتح الباری جزء ۸ صفحہ ۶۲۴) وَقَالَ مُجَاهِدٌ وَ عَتَوا : طَغَوا یعنی حد سے گزر گئے۔فرماتا ہے : وَ قَالَ الَّذِينَ لَا يَرْجُونَ لِقَاءَنَا لَوْ لَا أنْزِلَ عَلَيْنَا الْمَلَيكَةُ أَوْ نَرَى رَبَّنَا لَقَدِ اسْتَكْبَرُوا فِي أَنْفُسِهِمْ وَعَتَو عُتُوا كَبِيران (الفرقان: ۲۲) اور ان لوگوں نے جو ہماری ملاقات کی امید نہیں رکھتے کہا کہ ہم پر فرشتے کیوں نہیں اتارے جاتے یا ہم اپنے رب کو آنکھوں سے کیوں نہیں دیکھتے۔یقیناً انہوں نے اپنے دلوں میں اپنے آپ کو بہت بڑا سمجھا ہے اور سرکشی میں بہت آگے نکل گئے ہیں۔ایمان باللہ اور حیات آخرت کا انکار ہی انسان کو ہر قسم کے محاسبے سے بیباک کر دیتا ہے اور نڈر ہو کر وہ ہر قسم کے گناہ کا ارتکاب کرتا ہے اور بنی نوع انسان کے کمزور طبقے پر ظلم توڑنے لگتا ہے اور اس دنیا میں ملائکتہ اللہ کا تصرف ایسے انسان کے تباہ کرنے کے لئے بروئے کار آجاتا ہے اور اللہ تعالیٰ اپنے وجود کا ثبوت دیتا ہے۔ہمیشہ سے یہی سنت اللہ جاری ہے کہ جب بھی کوئی قوم اپنے رب منعم کا کفران کرتی اور حدود سے گزرتی ہے تو اللہ تعالیٰ کی صفت ملِكِ يَوْمِ الدين بروئے کار آتی اور ظالم قوم کو پکڑ لیتی ہے۔یہ سیاق کلام ہے مذکورہ بالا آیت اور مابعد کی آیت کا۔وَقَالَ ابْنُ عُيَيْنَةَ عَاتِيَة: ابن عیینہ کے قول کا حوالہ ضمناً دیا گیا ہے اور اس سے مراد سورۃ الحاقہ کی آیات ہیں: كَذَبَتْ ثَمُودُ وَ عَاذَ بِالْقَارِعَةِ فَأَمَّا ثَمُودُ فَأَهْلِكُوا بِالطَاعِيَةِ وَ أَمَا عَادُ فَأَهْلِكُوا بِرِيحِ صَرْصَرٍ عَاتِيَةٍ سَخَّرَهَا عَلَيْهِمْ سَبْعَ لَيَالٍ وَ ثَانِيَةَ أَيَّامٍ حُسُوْمًا فَتَرَى الْقَوْمَ فِيهَا صَرْعى (الحاقة: ۵ تا ۸) نمود اور عاد نے قارعہ کو جھٹلایا چنانچہ شمود تو (اس کھلے انذار کے مطابق) ایک ایسے عذاب سے ہلاک کئے گئے جو اپنی شدت میں انتہاء کو پہنچا ہوا تھا اور عاد بھی ایک ایسی باد تند کے ذریعے سے ہلاک کئے گئے جو نہایت ہی سخت تھی۔اس (اللہ ) نے ہوا کو متواتر سات راتیں اور آٹھ دن ان کی تباہی کے لیے مقرر کر چھوڑا تھا، سو اس کا نتیجہ تمہیں معلوم ہے کہ وہ قوم بالکل گر گئی۔قارِعَة کے معنی ایسی خبر جو ٹھونک بجا کر بڑے اعلان کے ساتھ دی جائے۔یہ آیات سورۃ الحاقہ کی ہیں۔الحاقظ کے معنی بھی ایسی سزا جو سچ مچ واقع ہونے والی ہو۔لفظ طَاغِيَة اور عنوا سے ان آیات میں قوموں کی انتہائی سرکشی کے بالمقابل سزائے الہی کی انتہائی سختی کا ذکر کیا گیا ہے کہ متکبر اور سرکش انسان اس کے سامنے بالکل بے بس ہو گیا۔ان قوموں کی تباہی کے ذکر سے یہ سمجھانا مقصود ہے کہ دجالی اقوام کے زمانے میں