صحیح بخاری (جلد دہم) — Page 428
صحيح البخاری جلد ۱۰ ۴۲۸ ۶۵ - كتاب التفسير / هود صحت قبول کی ہے۔جس میں نام مذکور نہیں۔صحابہ کرام ایسے واقعات بیان کرتے وقت نام لینے سے چشم پوشی سے کام لیا کرتے تھے ، جن سے کسی کا نقص یا عیب ظاہر ہو۔فرقہ مرجئہ نے آیت إِنَّ الْحَسَنتِ يُذْهِبْنَ السَّيَاتِ (هود: ۱۱۵) میں السیات سے یہ استدلال کیا ہے کہ جو بھی گناہ صادر ہوں نیکیاں اُن کا کفارہ ہو جاتی ہیں، ایسے لوگ بخش دیئے جاتے ہیں خواہ گناہ کبیرہ ہو یا صغیرہ۔(فتح الباری جزء ۸ صفحه ۴۵۳) اس تاویل باطل سے ارتکاب گناہ کا نہ صرف دروازہ کھلتا ہے بلکہ نمازوں کی اصل غرض و غایت ہی مفقود ہو جاتی ہے۔اس فرقہ کا خیال رڈ کرنے کی غرض سے بھی آیت زُلفا مِّنَ اليْلِ کی شرح کے تعلق میں لفظ زُلف کے لغوی معنی بیان ہوئے ہیں اور اس سے مومن کی شان بتانا مقصود ہے کہ (يَمْشِي القَدَميه) اس کا قدم آگے آگے کو ہوتا ہے۔ایمان اور معرفت میں ساعت به ساعت ترقی لازمی ہے۔غرض مومن کی شان بتائی گئی ہے کہ اس کی حالت تزکیہ نفس اور اعمال صالحہ کی بجا آوری میں ترقی پذیر ہوتی ہے۔(اس تعلق میں دیکھئے کتاب الایمان تشرح باب !) عقیدہ مرجئہ وغیرہ کے خلاف جمہور اسلام کا عقیدہ ہے کہ آیت اِنَّ الْحَسَنتِ يُذْهِبْنَ السَّيَاتِ سے یہ نہ سمجھا جائے کہ ہر نیکی ہر بدی کا کفارہ ہوتی ہے۔بلکہ من حیث العموم نیکیاں اگر مستقل صورت میں جاری رہیں تو وہ بدی کے رجحانات کو پس پر وہ ڈال دیتی ہیں اور یہی مفہوم مغفرت کا ہے۔نماز بھی کفارہ ہے۔مَا اجْتَنِبَتِ الْكَبَائِرُ۔بشر طیکہ کبیرہ گناہوں سے اجتناب کیا جائے۔(فتح الباری جزء ۸ صفحہ ۴۵۳) نماز سے متعلق یہ پہلو سلبی ہے ایجابی نہیں۔سلبی پہلو کی قیمت صرف منفی ہے اور شریعت اسلامیہ کی نظر میں گناہ نہ کرنا مقصود بالذات نہیں بلکہ نیکی کرنا اصل مقصود ہے۔سلبی پہلو پہلی کڑی شرط ہے۔فرماتا ہے: اِنَّ الصَّلوةَ تَنْهَى عَنِ الْفَحْشَاءِ وَالْمُنْكَرِ وَ لَذِكْرُ اللَّهِ أكْبَرُ * وَاللهُ يَعْلَمُ مَا تَصْنَعُونَ) (العنکبوت : (۴۶) نماز یقیناً تمام بُری اور ناپسندیدہ باتوں سے روکتی ہے اور اللہ کی یاد سب کاموں سے بڑھ کر ہے اور اللہ جانتا ہے جو تم کرتے ہو۔اس منفی پہلو سے بڑھ کر مثبت پہلو ہے جیسا کہ سورۃ النحل آیت ۹۱ میں فرماتا ہے: إِنَّ اللهَ يَأْمُرُ بِالْعَدْلِ وَالْإِحْسَانِ وَابْتَابِي ذِي الْقُرْبَى وَيَنْهَى عَنِ الْفَحْشَاءِ وَالْمُنكَرِ وَالْبَغْيِ يَعِظُكُمْ لَعَلَّكُم تذكرون 10 حضرت مسیح موعود علیہ السلام نے اخلاق ترک شر کی وضاحت کرنے کے بعد اخلاق ایصال خیر کو بیان کرتے ہوئے اس آیت کی شرح ان الفاظ میں بیان فرمائی ہے کہ : ”دوسرا خلق اخلاق ایصال خیر میں سے عدل ہے۔اور تیسرا احسان اور چوتھا ايتاى ذِي الْقُربى - جیسا کہ اللہ جل شانہ فرماتا ہے: إِنَّ اللهَ يَأْمُرُ بِالْعَدْلِ وَالْإِحْسَانِ وَ اِيْتَايْ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْي يعني اللہ تعالیٰ کا یہ حکم ہے کہ نیکی کے مقابل پر نیکی کرو اور اگر عدل سے بڑھ کر احسان ا ترجمه حضرت خلیفة المسیح الرابع : ”یقینا اللہ عدل کا اور احسان کا اور اقرباء پر کی جانے والی عطا کی طرح عطا کا حکم دیتا ہے اور بے حیائی اور نا پسندیدہ باتوں اور بغاوت سے منع کرتا ہے وہ تمہیں نصیحت کرتا ہے تاکہ تم عبرت حاصل کرو۔“