صحیح بخاری (جلد دہم) — Page 101
صحیح البخاری جلد ۱۰ (+) ۶۵ - کتاب التفسير / البقرة ہو گئے۔اس لئے تو نبوت کر اور ان سے کہہ خداوند خدایوں فرماتا ہے کہ آے میرے لوگو! دیکھو میں تمہاری قبروں کو کھولوں گا اور تم کو اُن سے باہر نکالوں گا اسرائیل کے ملک میں لاؤں گا۔اور اے میرے لو گو جب میں تمہاری قبروں کو کھولوں گا اور تم کو اُن سے باہر نکالوں گا تب تم جانو گے کہ خداوند میں ہوں اور میں اپنی روح تم میں ڈالوں گا اور تم زندہ ہو جاؤ گے اور میں تم کو تمہارے ملک میں بساؤں گا۔تب تم جانو گے کہ میں خداوند نے فرمایا اور پورا کیا۔“ (حزقی ایل ۳۷ : ۱۱ تا ۱۴) احیاء ملی بغیر نبوت کے ناممکن ہے۔یہی مضمون آیات مذکورہ بالا کا ہے۔مکاشفہ اتنا واضح تھا کہ حز قیل نبی کو حیرت ہوئی کہ آیا سو سال کے واقعات بیچ بیچ ان کے سامنے گزرے ہیں یا یہ روحانی مشاہدہ ہے جو ایک لمحہ میں لمبے عرصے کے واقعات کا دکھا دینا ہے۔اپنا سامان خوراک اور سواری دیکھ کر انہیں یقین آیا۔اس قسم کے مشاہدات روحانی کا تجربہ ہمیں خود متعدد بار ہوا۔حزقیل نبی کا یہ مکاشفہ ایک لمبے عرصہ سے متعلق تھا اور ہر جز و اپنے وقت پر اسی طرح پورا ہوا، جس طرح بحالت کامل بیداری یا نیم بیداری ایک لمحے میں دکھایا گیا تھا۔جنہیں تجربہ نہ ہوا ہو وہ تذکرے میں درج مکاشفات کو پڑھیں۔امام بخاری نے وہ تمام قصے نظر انداز کر دئے ہیں جو مسافر کے مارنے اور دوبارہ زندہ کرنے اور اس کے گدھے وغیرہ کی نسبت نقل کئے گئے ہیں۔اعصار : شدید آندھی۔فرماتا ہے: فَأَصَابَهَا اِعْصَادُ فِيهِ نَارُ فَاحْتَرَقَتْ (البقرة: ۲۶۷) اس باغ پر ایک ایسی شدید آندھی چلی جس میں آگ تھی۔اس سے وہ جل گیا۔مذکورہ بالا اختصار کے معنی واضح ہیں۔امام بخاری کی شرح محولہ بالا ابو عبیدہ کی ہے اور حضرت ابن عباس سے اِعْصَادُ کے معنی رِيحُ فِيهَا سَموم شديدة باد سموم مروی ہیں۔(فتح الباری جزء ۸ صفحہ ۲۵۲) صلدًا: چٹیل۔جس میں کوئی روئیدگی نہ ہو۔ریاکاروں کے صدقہ و انفاق کی مثال بیان فرمائی ہے۔فَمَثَلُهُ كَمَثَلِ صَفْوَانٍ عَلَيْهِ تُرَابٍ فَأَصَابَهُ وَابِلٌ فَتَرَكَهُ صَلْدًا (البقرة : ۲۶۵) جو ایسے پتھر کی مانند ہے، جس پر کچھ مٹی ہو۔جو نہی مینہ کی بوچھاڑ اس پر پڑے، اسے چٹیل چھوڑ جائے۔واہل تیروں کی بوچھاڑ کے لئے بھی استعمال ہوتا ہے۔(معجم اللغة العربية المعاصرة- وبل) ریا کار آدمی انجام کار طعن و تشنیع کا بھی نشانہ بنتا ہے۔جس طرح سل بیج نہیں اگا سکتی خواہ اس پر مٹی کیوں نہ ہو اسی طرح ریا کار انسان کا صدقہ و خیرات نتیجہ خیز نہیں ہوتے۔نشود نما عارضی ہوتا ہے۔صلدًا کے مذکورہ بالا معنی حضرت ابن عباس سے ابن جریر نے موصول نقل کئے ہیں اور ان سے يَابِسَا لَا يَنْبُتُ شَيْئًا - یعنی "خشک جس میں کوئی روئیدگی نہ ہو“ بھی مروی ہیں۔( فتح الباری جزء ۸ صفحہ ۲۵۲) وَقَالَ عِكْرِمَةُ : وَابِلٌ مَطرُ شَدِیدُ۔یعنی واہل کے معنی ہیں شدید بارش۔یہ معنی عبد بن حمید نے عکرمہ