تحریک جدید ۔ ایک الٰہی تحریک (جلد پنجم ۔ 1974ء تا 1982ء) — Page 627
تحریک جدید- ایک البی تحریک۔۔۔۔جد پنجم اقتباس از خطاب فرمودہ 27 دسمبر 1979ء الخلافہ لیگوس کا مشن ہاؤس کام کی وسعت کے نتیجہ میں تنگ ہو گیا تھا۔وہ میں نے بھی دیکھا ہوا ہے۔بڑا تنگ اس کے لئے شہر سے باہر زمین لے لی ہے اور وہاں نیا مشن ہاؤس تعمیر ہو رہا ہے۔نائیجیریا کے ساتھ لگتا ہے، ایک اور ملک ، آزاد ملک ہین اس کا نام ہے۔ری پبلک ہے۔وہاں ہمارا کوئی مبلغ نہیں۔وہی لوگ جب ادھر آتے ہیں نائیجیر یا تو ان کا ملاپ ہوتا ہے، ہمارے مشن سے۔وہ ہماری باتیں سنتے ہیں، کتابیں پڑھتے ہیں، لے جاتے ہیں۔گھر جاتے ہیں، اپنے علماء سے باتیں کرتے ہیں۔ان کو بتاتے ہیں مسئلے مسائل کہ یہ ایک جماعت ہے، جو یہ باتیں پیش کر رہی ہے۔اس طرح ان کو تبلیغ ہوتی ہے۔وہاں اللہ تعالیٰ نے یہ فضل کیا ہے کہ بغیر کسی مبلغ اور مشن کے ایک مخلص اور فعال جماعت اللہ تعالیٰ نے ہمیں دے دی۔اس سال بینن کے جلسہ سالانہ پرسینکڑوں افراد جمع ہوئے۔چھوٹی جماعت ہے، نئی نئی بنی ہے اور مشن ہاؤس کی تعمیر انہوں نے شروع کر دی ہے۔جس کے اخراجات وہ خود ہی اکٹھا کر رہے ہیں۔نائیجیریا کا ایک اہم اخبار ہے، اس میں ایک اہم Personality ایک معروف ہستی ہیں وہاں کی الحاج ابوبکر ، انہوں نے ایک مضمون شائع کیا ہے احمدیت پر اور اس میں لکھتے ہیں کہ If today I could stand before any christian and am able to discuss about religion with confidence, it was to the Ahmadiyya literature and books at my disposal۔کہ اگر آج میں اس قابل ہوا ہوں کہ مجلسوں میں بیٹھتے ہوئے عیسائیوں کے ساتھ بات کر سکوں ، خود اعتمادی کے ساتھ مذہبی گفتگو کر سکوں تو اس کی وجہ یہ ہے کہ میں نے جماعت احمدیہ کا لٹریچر رکھا ہوا ہے۔اور بہت سی کتابیں ہیں، میرے پاس جن کو میں نے پڑھا ہے۔اور اس وجہ سے میں عیسائی پادریوں کے ساتھ بات کرنے کے قابل ہو گیا ہوں۔گیمبیا ایک اور ویسٹ افریقن ملک وہاں کے وزیر برائے اکنامک اینڈ پلاننگ نے احمد یہ سکول کا معائنہ کیا اور انہوں نے فرمایا۔ہمارے ملک میں احمد یہ سیکنڈری سکول، واحد سکول ہے، جو اکنا مک کا مضمون بھی پڑھاتا ہے۔یعنی سارے ملک میں ہمارا سکول جو ہے، جماعت کا وہ اکیلا سکول ہے ، جس میں اقتصادیات کا مضمون پڑھایا جاتا ہے۔اور ہمیں فخر ہے کہ ہم اس کے فارغ التحصیل طلباء کو اپنے دفاتر میں بڑی خوشی سے جگہ پیش کرتے ہیں۔اس واسطے کہ علمی لحاظ سے وہ اچھے ذہین طالب علم ہیں اور اعتماد کے لحاظ سے وہ دیانت دار ہیں۔627