تاریخ احمدیت (جلد 20) — Page 615
تاریخ احمدیت 615 جلد ۲۰ ہو ئی تعلیم ساری دنیا میں پھیل جائے اور محمد صلی اللہ علیہ وسلّم وسط آسمان میں سورج کی طرح چمک کر ساری دنیا کو منور کر دیں۔اے خُدا ہمیں اعمالِ صالحہ کی توفیق دے، ہماری دستگیری فرما اور اس روشنی سے زیادہ سے زیادہ متمتع فرما اور ہمارے اُن بھائیوں کو جو تیری تعلیم کو پھیلا نے کیلئے دُنیا کے کونے کونے اور ملک ملک میں پھیلے ہوئے ہیں اپنی رحمتوں سے نوازان کے تقویٰ میں برکت دے۔ان کی قلموں اور ان کی زبانوں پر اپنے انوار نازل کر اور ان کی کوششوں کو دجال کے ہر دجبل اور شر سے محفوظ رکھ۔اے خدا ایسا کر کہ تیرے یہ کمزور بندے ہر فرد بشر کے دل میں تیری توحید کی شیخ اور محمد رسول اللہ صلی اللہ علیہ وسلم کا جھنڈا گاڑ دیں۔اے خدا اپنے فضل سے تو ایسے سامان پیدا کر کہ یہ انوار جو تیری طرف سے بنی نوع انسان کی ترقیات کے لئے نازل ہوئے ہیں دُنیا کی نظر سے کبھی اوجھل نہ ہوں اور تا ابد دُنیا کے ہر گھرا اور ان گھروں کے سب مکینوں کے دلوں سے لا اله الا الله محمد رسول اللہ کا نعرہ بلند ہوتا ر ہے۔اے قدیر وحکیم خُدا جس طرح تو نے اپنے مسیح کے لئے چاند اور سورج کو گرہن لگایا ہے ایسا ہو کہ اسی طرح تمام مذاہب باطلہ کے نقلی سورجوں اور چاندوں کو بھی گرہن لگ جائے۔اے ہمارے رب ! تو ہمیں مسیح موعود علیہ الصلوۃ والسلام کے مددگاروں میں سے بنا اور اُن آفات اور عذابوں سے ہمیں ہمیشہ بچا جو آپ کے مخالفوں کے لئے مقدر ہو چکے ہیں۔اور شرک اور بدعت اور ظلم کی ہر قید و بند سے ہمیں ہمیشہ محفوظ رکھ۔اے خدا ہمیں نیکی اور تقویٰ پر ہمیشہ قائم رکھ اور بد خصلت وساوس پیدا کرنے والوں سے ہمیں ہمیشہ پناہ دے تا ہما را بیعت کا تعلق اور غلامی کا رشتہ جو ہم نے تیرے رسول، تیرے مسیح اور تیرے خلفا ء سے باندھا ہے وہ ہمیشہ مضبوطی سے قائم رہے۔اے خدا! ہمارے بیماروں کو شفا دے، ہمارے کمزوروں کو طاقت بخش، ہمارے غریبوں کو مالدار بنا ہمارے ضرورتمندوں کی ہر ضرورت کو پورا کر اور ہمارے جاہلوں کی جھولیاں دینی اور دنیوی علوم سے بھر دے۔اے خُد ا ا بتلاؤں میں ہمیں ثابت قدم رکھ اور کامیابیوں میں ہمیں مزاج کے منکسر اور طبیعت کے غریب بنا اے خدا تیرے اور تیرے رسُول کے خلاف نہایت گندہ اور مکروہ اور نا قابل برداشت لٹریچر شائع ہو رہا ہے ہمیں اور ہماری نسلوں کو اس فتنہ سے محفوظ رکھ اور اس کے خلاف قلمی اور لسانی جہاد کی ہمیں توفیق دے اور اس میں ہمیں کامیاب فرما۔اے خدا ایسا نہ ہو کہ حاسدوں کی کوششیں ہمارے قومی