رؤیا و کشوف سَیّدنا محمود — Page 501
501 540 دسمبر 1951ء فرمایا : میں نے رویا میں دیکھا کہ احمدی زمیندار سرگودھا کے میرے سامنے آئے اور ساتھ ہی ان کے کوئی ان کے خاندان کا نوجوان بھی ہے وہ ان کا بیٹا ہے یا چھوٹا بھائی خواب میں میں پورا امتیاز نہیں کر سکا اس کے بعد میں نے کچھ نظارہ دیکھا جو مجھے بھول گیا لیکن آنکھ کھلنے پر یہ اثر رہا کہ یہ خواب اس خاندان کے لئے منذ رہے۔اس جلسہ پر جب سرگودھا کی جماعت ملاقات کر رہی تھی اور امیر ضلع سرگودھا اور ان کے ساتھ کچھ اور کار کن بیٹھے ہوئے مجھے جماعت کے افراد سے روشناس کرا رہے تھے تو ایک دوست جو مصافحہ کر کے گزرے تو ان کے کچھ دور آگے چلے جانے کے بعد مجھے یاد آیا کہ ان ہی کے خاندان کے متعلق میری یہ رویا تھی۔اس پر میں نے مرزا عبد الحق صاحب امیر جماعت ضلع سرگودها ( مرزا عبد الحق صاحب امیر جماعت صوبہ پنجاب بھی ہیں مگر اس وقت بحیثیت امیر جماعت ضلع سرگودھا بیٹھے ہوئے تھے) سے مخاطب ہو کر کہا آپ نے ان کا نام کیا بتایا ہے کیا آپ نے ان کا نام چوہدری ہدایت اللہ بتایا ہے انہوں نے کہا ہاں یہی تھا۔میں نے ان کو کہا کہ میں نے ان کے فلاں بھائی کے متعلق ایک رؤیا دیکھی ہے کہ اس کے ساتھ اس کا ایک بیٹا یا کوئی چھوٹا بھائی کھڑا ہے اور وہ نظارہ تو مجھے بھول گیا مگر میں سمجھتا ہوں کہ وہ رؤیا ان دونوں کے متعلق منذر ہے اس لئے آپ ان کو کہہ دیں کہ وہ کچھ صدقہ کر دیں شاید اس طرح وہ ابتلاء ٹل جائے دوسرے دن شام کے قریب سیالکوٹ کی جماعت کی ملاقات ہو رہی تھی تو چوہدری غلام محمد صاحب پوہلہ امیر جماعت حلقہ نے مجھ سے پوچھا کہ آپ نے کل کوئی خواب مرزا عبد الحق صاحب کو سنائی تھی میں نے کہا۔ہاں۔انہوں نے کہا وہ پوری ہو گئی ہے اور آج ہی ایک واقعہ چوہدری ہدایت اللہ صاحب کے بھائی اور بھتیجا سے ایسا پیش آیا ہے جس سے وہ خاندان سخت ابتلاء میں پڑ گیا ہے۔ان کو پورا واقعہ یاد نہیں تھا دوسرے دن یعنی جلسہ کے آخری دن جمعہ کو مرزا عبد الحق صاحب نے مجھے بتایا کہ میں نے چوہدری ہدایت اللہ صاحب کو بلا کر آپ کی خواب بھی سنادی اور کہہ دیا کہ اس کے متعلق آپ لوگ کچھ صدقہ کر دیں انہوں نے اس وقت ایک آدمی اپنے بھائی کی طرف دوڑایا کہ تم کوئی بکرا ذبح کر دو شاید اس خواب کے اثر سے بچ جاؤ۔