راہ ھدیٰ — Page 120
صاحب کی نظر سے یہ عبارتیں نہ گذری ہوں جو اس بات پر شاہد ناطق ہیں کہ یہاں ہلال اور بدر سے رسول اللہ اور مرزا صاحب مراد نہیں بلکہ سرا جا منیرا کی وہ روشنی ہے جس نے اسلام کو ہلالی حالت سے بدر میں تبدیل کرنا ہے۔چنانچہ مرزا صاحب فرماتے ہیں۔و ان رسول الله شمس منيرة و بعد رسول الله بدر و كوكب (کرامات الصادقین صفحہ ۶ روحانی خزائن جلد نمبرے صفحہ ۱۰۳ مطبوعہ ضیاء الاسلام پریس ربوہ ) ترجمہ: رسول اللہ صلی اللہ علیہ وسلم تو یقینا روشنی دینے والے سورج ہیں اور آپ کے بعد تو بدر اور کو کب کا زمانہ ہے۔ایک اور جگہ فرماتے ہیں:۔” وہی ہے جو سرچشمہ ہر ایک فیض کا ہے اور وہ شخص جو بغیر اقرار افاضہ اس کے کسی فضیلت کا دعوی کرتا ہے وہ انسان نہیں بلکہ ذریت شیطان ہے کیونکہ ہر ایک فضیلت کی کنجی اس کو دی گئی ہے اور ہر ایک معرفت کا خزانہ اس کو عطا کیا گیا ہے جو اس کے ذریعہ سے نہیں پاتا وہ محروم ازلی ہے۔ہم کیا چیز ہیں اور ہماری حقیقت کیا ہے ہم کافر نعمت ہوں گے اگر اس بات کا اقرار نہ کریں کہ توحید حقیقی ہم نے اس نبی کے ذریعہ سے پائی۔زندہ خدا کی شناخت ہمیں اس کامل نبی کے ذریعہ سے اور اس کے نور سے ملی اور خدا کے مکالمات اور مخاطبات کا شرف بھی جس سے ہم اس کا چہرہ دیکھتے ہیں اسی بزرگ نبی کے ذریعہ سے ہمیں میسر آیا۔اس آفتاب ہدایت کی شعاع دھوپ کی طرح ہم پر پڑتی ہے اور اس وقت تک ہم پر پڑتی ہے اور اس وقت ہم منور رہ سکتے ہیں جب تک کہ ہم اس کے مقابل پر کھڑے ہیں " ( حقیقتہ الوحی صفحہ ۱۶-۱۵) نیز فرماتے ہیں۔" ہمارا اس بات پر بھی ایمان ہے کہ ادنی درجہ صراط مستقیم کا بھی بغیر اتباع ہمارے نبی صلی اللہ علیہ وسلم کے ہرگز انسان کو حاصل نہیں ہو سکتا چہ جائیکہ راہ راست کے اعلیٰ مدارج بحجز اقتداء اس امام الرسل کے حاصل ہو سکیں کوئی مرتبہ شرف و کمال کا اور کوئی مقام عزت اور قرب کا بجز بیچی اور کامل متابعت اپنے نبی صلی اللہ علیہ وسلم کے ہم ہرگز حاصل کر ہی نہیں