خطبات وقف جدید — Page 153
153 حضرت خلیفہ المسح الثالث جماعت احمدیہ کے نفوس میں برکت ڈالی اور حضرت مسیح موعود علیہ الصلوۃ والسلام نے دعا تو یہ فرمائی تھی کہ اک سے ہزار ہو دیں لیکن جب اس تعداد کا جو 1967ء کی ہے 1892ء کی تعداد سے ہم مقابلہ کرتے ہیں تو ہمیں یہ نظر آتا ہے کہ اللہ تعالیٰ نے حضرت مسیح موعود علیہ الصلوۃ والسلام کی دعا کے نتیجہ میں عملاً یہ کیا کہ تم اک سے ہزار مانگتے ہوئیں اک سے تین ہزار کرتا ہوں چنانچہ جب ہم ان دو اعداد وشمار کا آپس میں مقابلہ کرتے ہیں گو ( اگر اس وقت ایک ہزار احمدی سمجھے جائیں ) ہم دیکھتے ہیں کہ اللہ تعالیٰ نے ایک کو تین ہزار کر دیا ہے۔ایک کو ہزار نہیں، ایک کو تین ہزار بنا دیا۔کیونکہ تین ہزار کو ہزار کے ساتھ ضرب دیں تب یہ موجودہ شکل ہمارے سامنے آتی ہے اور اگر 1892ء کی تعداد تین ہزار سمجھی جائے۔جو میرے نزدیک بہت زیادہ اندازہ ہے تو پھر بھی اس سے اک سے ہزار ہو دیں والی دعا اللہ تعالیٰ نے پوری کر دی اور 75 سال کے عرصہ میں اس نے جماعت کے نفوس کو ایک ہزار گنا زیادہ کر دیا۔یہ معمولی زیادتی نہیں، حیرت انگیز زیادتی ہے۔اللہ تعالیٰ کی قدرت کا جہاں اظہار ہوتا ہے وہاں عقل کی رسائی نہیں۔اللہ تعالیٰ کی غیر محدود قدرت اپنے بندوں پر جلوہ گر ہوتی ہے تمام اندازوں کو غلط کر کے رکھ دیتی ہے۔اگر یہ امید رکھیں اور یہ یقین رکھیں کہ اللہ تعالی مستقبل میں بھی اس جماعت کو اسی رنگ میں اور اسی حد تک قربانیاں دینے کی توفیق دے گا۔جس طرح گذشتہ 75 سال وہ دیتا رہا ہے اور اس کے نتیجہ میں تم پر اللہ تعالیٰ کے فضل بھی اسی رنگ میں ہوتے رہیں گے یہ تعدادا گر اسی نسبت سے بڑھتی رہے تو آج سے 75 سال کے بعد تین ارب اور نو ارب کے درمیان ہو جائے گی۔جس کا مطلب یہ ہوا کہ اگر ہم اپنی دعاؤں سے اور اپنی تدبیر سے اور اپنی قربانیوں سے اور اپنی فدائیت اور جاشاری سے اللہ تعالیٰ کے فضلوں کو اسی طرح جذب کرتے رہے۔جس طرح گذشتہ 75 سال میں ہم نے جذب کیا تھا تو اگلے 75 سال میں اسلام دنیا پر غالب آجائے گا اور نشاۃ ثانیہ کی جو ہم ہے وہ پوری کامیابی کے ساتھ دنیا میں ظاہر ہو جائے گی۔خدا کرے کہ جماعت کو اسی طرح قربانیاں دینے کی توفیق ملتی رہے۔یہ بھی کہا گیا تھا کہ میں ان کے اموال میں برکت ڈالوں گا۔اب اموال کو ہم دیکھتے ہیں۔1892ء کے جلسہ سالانہ میں 1893 ء کے لئے چندوں کے وعدے دیئے گئے ( وہ انتظام اس وقت قائم نہیں تھا جو آج قائم ہے ) اور وہ وعدے ساری جماعت کے سمجھے جانے چاہئیں کیونکہ تمام مخلصین جلسہ سالانہ پر جمع ہو جاتے تھے۔تو 1893 ء کے لئے 1892ء کے جلسہ سالانہ پر جماعت نے جو وعدے دئے ان کی رقم سات سو کچھ روپے تھی اور آج پچھتر سال گذرنے کے بعد عملاً جماعت جو مالی قربانیاں خدا کی راہ میں پیش کر رہی ہے اس کی رقم ایک کروڑ سے اوپر نکل گئی ہے ہم سات سو کی بجائے اگر ایک ہزار لیس