خطبات طاہر (جلد 2۔ 1983ء) — Page 106
خطبات طاہر جلد ۲ 106 خطبه جمعه ۱۸ / فروری ۱۹۸۳ء کرتا ہو۔نہ چھوٹی بات چھوڑتا ہے نہ بڑی بات چھوڑتا ہے۔ایسے استثنائی وقت بھی آجایا کرتے ہیں جب تو میں غفلت کے نتیجہ میں دنیا کو ہلاک ہونے دیتی ہیں تو پھر اللہ تعالیٰ فرماتا ہے کہ پھر بیچ میں تمہارا بھی حصہ ہو گا۔عذاب تو ان کو مل رہا ہو گا لیکن آٹے کے ساتھ گھن پستا ہے۔یہاں تو یہ فرما رہا ہے کہ گھن کے ساتھ آٹا پس جائے گا کیونکہ اکثریت تو گھن کی ہے۔پس ایسے خوفناک وقت سے بچنے کے لئے بھی یہ ضروری ہے کہ آپ اپنے تبلیغ کے کام کو تیز کریں۔اللہ تعالیٰ ہمیں اس کی توفیق عطا فرمائے آپ کو حوصلہ دے،صبر دے، دعاؤں کی توفیق دے، اپنے نشانوں کے ساتھ آپ پر دن کو بھی ظاہر ہو اور رات کو بھی۔آپ کو یہ محسوس ہو کہ ایک زندہ خدا ہمارے ساتھ ہے، ایک طاقتور ہستی کے سایہ میں بڑھتا ہوا انسان خوف نہیں کھایا کرتا بلکہ دلیر ہو جاتا ہے۔کہتے ہیں گھر میں بلی بھی شیر ہوتی ہے۔آپ کا مقام تو اس سے بہت بلند ہے۔خدا کی حفاظت گھر کی حفاظت سے کہیں زیادہ قوی اور مضبوط حفاظت ہے۔یہ مقام اپنے دل میں پیدا کریں، اپنی عظمت کا احساس پیدا کریں، پھر دیکھیں کہ انشاء اللہ یہ ہو ہی نہیں سکتا کہ کوئی داعی الی اللہ کسی سال پھل سے محروم رہے۔ایک ایک، دو دو، تین تین، چار چار پھل آپ کو لگیں گے۔جس طرح خدا تعالیٰ کے فرشتے مختلف پروں کے ہوتے ہیں، اسی طرح داعی الی اللہ بھی مختلف طاقتوں کے ہوا کرتے ہیں۔کوئی دو دو، کوئی چار چار پروں والا ہوتا ہے اور کوئی آٹھ آٹھ پروں والا ہوتا ہے۔اللہ تعالیٰ فرماتا ہے جس کو چاہتا ہے پھر اس سے بھی بڑھا دیتا ہے۔خدا تعالیٰ آپ کی طاقتوں کے پروں میں اضافہ کرتا چلا جائے اور ہمیشہ اس کے فضل کے سایہ تلے آپ آگے سے آگے بڑھتے چلے جائیں۔خطبہ ثانیہ کے دوران حضور نے فرمایا: نمازیں جمع ہونگی۔جمعہ کی تو خیر دو ہی رکعتیں ہوتی ہیں۔اس کے بعد میں عصر کی نماز دوگانہ پڑھوں گا۔جو مسافر ہیں وہ میرے ساتھ سلام پھیریں اور جو مسافر نہیں ہیں وہ جب میں دونوں سلام پھیرلوں پھر کھڑے ہو کر اپنی بقیہ دور کعتیں پوری کریں۔روزنامه الفضل ربوه ۱۵ مئی ۱۹۸۳ء)