حیاتِ احمد (حیاتِ احمد۔ جلد پنجم حصہ اوّل) — Page 202
حیات احمد جلد پنجم حصہ اول وَهُوَ هذَا مولوی عبدالکریم صاحب کا خط ایک دوست کے نام بِسْمِ اللَّهِ الرَّحْمَنِ الرَّحِيْمِ الْحَمْدُ لِوَلِيَّهِ وَالصَّلَوةُ وَالسَّلَامُ عَلَى نَبِيِّهِ۔أَمَّا بَعْدُ مِنْ عَبد الكريم إِلى أَخِي وَحِبّى نصر الله خان۔سلام علیکم ورحمۃ اللہ و برکاتہ آج میرے دل میں پھر تحریک ہوئی ہے کہ کچھ درد دل کی کہانی آپ کو سناؤر ممکن ہے کہ آپ بھی میرے ہمدرد بن جائیں اتنی مدت کے بعد یہ تحر یک خالی از مصالح نہ ہوگی۔محرک قُلُوب اپنے بندوں کو عبث کام کی ترغیب نہیں دیا کرتا۔چوہدری صاحب میں بھی ابن آدم ہوں۔ضعیف عورت کے پیٹ سے نکلا ہوں۔ضرور ہے انسانی کمزوری۔تعلقات کی کششیں اور رقت مجھ میں بھی ہو۔بطن عورت سے نکلا ہوا اگر اور عوارض اسے چمٹ نہ جائیں تو سنگ دل نہیں ہوسکتا۔میری ماں بڑی رقیق قلب والی بڑھیا دائم المرض موجود ہے۔میرا باپ بھی ہے (اللَّهُمَّ عَافِهِ وَوَالِهِ وَوَفِّقْهُ لِلْحُسُنی ) میرے عزیز اور نہایت عزیز بھائی بھی ہیں، اور تعلقات بھی ہیں تو پھر کیا پتھر کا کلیجہ رکھتا ہوں جو مہینوں گزر گئے یہاں دھونی رمائے بیٹھا ہوں یا کیا میں سودائی ہوں اور میرے حواس میں خلل ہے؟ یا کیا میں مقلد کور باطن اور عُلوم حَقَّہ سے نابلد محض ہوں؟ یا کیا میں فاسقانہ زندگی بسر کرنے میں اپنے کنبہ اپنے محلہ اور اپنے شہر میں مشہور ہوں؟ یا کیا میں مفلس، نادار، پیٹ کی غرض سے نت نئے بہروپ بدلنے والا قلاش ہوں ؟ يَعْلَمُ اللَّهُ وَالْمَلَائِكَةُ يَشْهَدُونَ کہ میں بِحَمْدِ الله ان سب معائب سے بَری ہوں۔وَلَا أَزَكَّى نَفْسِى وَلَكِنَّ اللَّهَ يُزَكِّي مَنْ يَّشَاءُ تو پھر کس بات نے مجھ میں ایسی استقامت پیدا کر رکھی ہے جو ان سب