دینی معلومات کا بنیادی نصاب برائے انصاراللہ — Page 207
207 کچھ عرصہ بعد مخالفین نے اعتراض شروع کر دیا کہ احمدیوں نے کلمہ طیبہ میں تصرف شروع کر دیا ہے اور محمد رسول اللہ کے الفاظ (نعوذ باللہ ) حذف کر دیئے ہیں۔اس غلط فہمی کو دور کرنے کیلئے حضرت خلیفتہ المسیح الرابع رحمہ اللہ نے ہدایت فرمائی کہ اگر جلسوں کے موقع پر لا اله الا اللہ کے بینر آویزاں کرنے ہوں تو حدیث نبوی کے پوری الفاظ یعنی افضل الذكر لَا إِلَهَ إِلَّا الله ( ترمذی کتاب الدعوات ) لکھے جایا کریں تا کہ غلط فہمی کا امکان نہ رہے۔نیز مساجد میں اس کا ورد بلند آواز سے نہ کیا جائے بلکہ دوسرے اوراد کی طرح یہ ورد بھی خاموشی سے کیا جائے۔قرآن مجید کی عالمی اشاعت خلافت ثالثہ کا ایک اہم کارنامہ قرآن کریم کی وسیع اشاعت ہے۔اس غرض کے لئے حضور نے یورپ، امریکہ اور افریقہ کے مختلف ممالک میں ہوٹلوں میں قرآن کریم رکھنے کی ایک مہم جاری فرمائی جس کے نتیجہ میں درجنوں ممالک کے ہوٹلوں میں کلامِ پاک کے ہزار ہا نسخے رکھوائے گئے اور یہ سلسلہ برابر جاری اور ترقی پذیر ہے۔حضرت سیدہ منصورہ بیگم صاحبہ کی وفات حضرت سیدہ منصورہ بیگم صاحب حرم حضرت خلیفۃ المسیح الثالث مختصر لیکن شدید علیل رہنے کے بعد ۳ اور ۴ دسمبر ۱۹۸۱ء کی درمیانی شب رحلت فرما گئیں۔