دینی نصاب — Page 28
ایک تہہ بند اور ایک چادر عورت کیلئے ان کے علاوہ سینہ بند اور کمر بند ہے۔یہ کپڑے سلے ہوئے نہیں ہونے چاہئیں۔گرتے سے مراد ایسا کپڑا ہے جو اوپر نیچے گھٹنوں تک آ جائے۔اس کو درمیان میں سے گریبان کی طرح چیر دیا جائے تاکہ سرگذر سکے۔اگر پورا کفن میسر نہ ہو تو ایک چادر یا کمبل میں لپیٹ کر دفن کیا جا سکتا ہے۔۴ فوت ہونے کے بعد کفن دفن میں جلدی کرنی چاہئیے تا کہ نفش خراب نہ ہو۔۵ کفن پہنانے کے بعد میت کو ایسی جگہ لے جایا جائے جہاں نماز جنازہ ادا ہو سکے۔یہ نماز مسجد کے باہر ہونی چاہیئے۔حسب ضرورت مسجد میں بھی جائز ہے۔لیکن نعش مسجد میں نہ لانی چاہئے۔محراب کے باہر امام کے سامنے رکھی جاسکتی ہے۔-۶ نماز جنازہ کی ترکیب : امام میت کو سامنے رکھ کر نماز پڑھائے۔مقتدی ایک یا تین یا پانچ غرض طاق صفوں میں کھڑے ہوں۔اس نماز میں رکوع اور سجدہ نہیں۔صرف چار تکبیریں ہوتی ہیں۔ہاتھ اُٹھا کر پہلی تکبیر کہے۔پھر ثناء، تعوذ و تسمیہ پڑھ کر سورۃ فاتحہ پڑھے۔دوسری تکبیر کے بعد درود شریف پڑھے۔تیسری تکبیر کے بعد ذیل کی دُعا پڑھے اور چوتھی تکبیر کے بعد سلام پھیر دے۔دُعائے نماز جنازہ :- اللَّهُمَّ اغْفِرْ لِحَتِنَا وَمَيْتِنَا وَشَاهِدِنَا وغَائِبِنَا وَصَغِيرِنَا وَكَبِيرِنَا وَذَكَرِنَا وَأَنثَنَا اللَّهُمَّ مَنْ أَحْيَيْتَهُ مِنَّا فَأَحْيِهِ عَلَى الْإِسْلَامِ وَمَنْ تَوَفَّيْتَهُ مِنَّا فَتَوَفَّهُ عَلَى الْإِيْمَانِ اللَّهُمَّ لَا تَحْرِمْنَا أَجْرَهُ وَلَا تَفْتِنَا بَعْدَهُ اے اللہ ! بخش دے ہمارے زندوں کو اور مردوں کو اور ان کو جو حاضر ہیں اور جو حاضر نہیں اور ہمارے چھوٹوں کو اور بڑوں کو اور ہمارے مردوں کو اور عورتوں کو۔اے اللہ ! جس کو تو ہم میں سے زندہ رکھے اس کو اسلام پر زندہ رکھ اور جس کو تو ہم میں سے وفات دے اس کو ایمان کے ساتھ 28