دینی نصاب — Page 10
مرجائے یا اور کوئی گندی چیز گر جائے تو اسے نکال دینا چاہئے۔جب تک پانی کے رنگ، بو یا ذائقہ میں اس کی وجہ سے فرق پیدا نہ ہو وہ پاک ہے۔اگر ان میں تبدیلی ہوگئی ہے تو اس قدر پانی نکالا جائے کہ رنگ، ذائقہ اور بوصاف ہو جائے۔ڈولوں کی تعداد معین نہیں۔۱- وضو کے بعد یہ دُعا پڑھنی چاہیئے۔اللَّهُمَّ اجْعَلْنِي مِنَ التَّوَّابِينَ وَاجْعَلْنِي مِنَ الْمُتَطَهِّرِينَ۔اے اللہ مجھے تو بہ کرنے والوں میں سے کر دے اور مجھے پاک رہنے والوں میں سے بنادے۔۱۱۔پیشاب، پاخانہ یا کوئی رطوبت یا ریح خارج ہونے سے وضوٹوٹ جاتا ہے۔کسی چیز کا سہارا لگا کر یا لیٹ کر سونے سے بھی وضو ٹوٹ جاتا ہے۔ہوا خارج ہونے یا وضو ٹوٹ جانے کے بارے میں اگر شک ہو تو شک کی وجہ سے تازہ وضو کر نالازم نہیں آتا۔تاہم وضو کر لینا باعث ثواب ہے۔۱۲۔جرابیں اگر وضو کی حالت میں پہنی ہوں تو ان پر مسح کیا جاسکتا ہے۔مقیم کیلئے جرابوں پر ایک دن رات تک مسح کرنا جائز ہے۔لیکن مسافر تین دن اور تین رات ان پر مسح کرسکتا ہے۔وقت کی ابتداء اس گھڑی سے ہوگی جب جرابیں پہننے کے بعد وضو ٹوٹے۔اگر کسی نے ظہر کے وقت وضو کر کے جرابیں پہنیں اور مغرب کے وقت وضو ٹوٹا تو اس مغرب سے مسح کا وقت شروع ہو گا اور اگلے روز مغرب تک رہے گا۔۱۳۔نماز میں کھڑے ہوئے یار کوع یا سجدہ میں سو جانے یا اونگھنے سے وضو نہیں ٹوٹتا۔۱۴- اگر بوٹ ٹخنوں تک ہوں اور ان کو پہن کر نماز پڑھنی ہو۔تو ان پر مسح ہو سکتا ہے ورنہ بوٹ اُتار کر پاؤں دھوئے یا جرابیں باوضو پہنی ہوں تو ان پر مسح کرے۔نماز اور اس کے پڑھنے کا طریق : نماز پڑھنے والا جب نماز کیلئے تیار ہوتو قبلہ رخ کھڑا ہو کر پہلے یوں نماز کی نیت پڑھے : 10