بنیادی مسائل کے جوابات — Page 75
بنگلہ دیش سوال: اسی Virtual ملاقات مورخہ 14 نومبر 2020ء میں صدر صاحبہ لجنہ اماء اللہ بنگلہ دیش نے حضور کی خدمت اقدس میں عرض کیا کہ حضور بنگلہ دیش کی لجنہ اور ناصرات کے لئے کوئی پیغام ارشاد فرما دیں جو اس میٹنگ کے بعد وہ سب کو پہنچا دیں۔اس پر حضور انور ایدہ اللہ تعالیٰ بنصرہ العزیز نے فرمایا: جواب: سب کو میرا "السلام عليكم ورحمة الله وبركاته‘ پہنچا دیں اور ساتھ یہ بھی کہہ دیں کہ اپنے ایمان پہ قائم رہنا۔مشکل حالات آتے ہیں، پریشانیاں آتی ہیں، تکلیفیں آتی ہیں، اس کو کبھی اپنے دین پہ حاوی نہ ہونے دینا۔اور ہمیشہ ہر مشکل اور ہر تکلیف کے وقت اللہ تعالیٰ کے آگے جھکنا۔اور کسی انسان سے کسی قسم کی امید نہ رکھنا۔اور اپنی اور اپنے بچوں کی اور اپنی نسل کی تربیت کے لئے عہد کرو کہ ہم نے انہیں نیک اور صالح بناتا ہے اور صحیح مومن بنانا ہے۔اور اگر یہ دعا کریں گی اور اپنے بچوں کے لئے کوشش کریں گی تو ظاہر ہے کہ خود بھی اس کے لئے کوشش کرنی پڑے گی۔اس لئے اپنی اصلاح کی طرف بھی بہت زیادہ توجہ دیں تاکہ آئندہ نیک نسلیں پیدا ہوتی رہیں۔اور ہمیشہ یاد رکھیں کہ اگر ہماری عورتوں کی اصلاح ہو جائے اور ہماری عور تیں نیک ہو جائیں، ہماری عورتیں تقویٰ کے معیاروں کو حاصل کرنے لگیں تو ہماری نسلیں انشاء اللہ تعالیٰ محفوظ ہو جائیں گی، پھر ہمیں کوئی فکر نہیں ہو گی۔یہی لجنہ اماءاللہ کا کام ہے اور یہی میرا پیغام سب لجنہ اماء اللہ کو اور سب ناصرات کو ہے جنہوں نے آئندہ بھی انشاء اللہ تعالی مائیں بننا ہے۔(قسط نمبر 19، الفضل انٹر نیشنل 20 اگست 2021ء صفحہ 11) 75