انوارالعلوم (جلد 26) — Page 431
انوار العلوم جلد 26 431 سیر روحانی (12) 25 اقسام ہونے کے ان سب میں یہ بات مشترک طور پائی جاتی ہے کہ شہد لوگوں کے لئے شفاء کا موجب ہوتا ہے اور مختلف قسم کے امراض کو دُور کرنے کے کام آتا ہے علم نباتات کے متعلق اسی طرح علم نباتات بھی ایک علم ہے جس پر ہزاروں کتابیں لکھی گئی ہیں۔قرآن کریم قرآن کریم کا ایک اہم انکشاف نے اس علم کے متعلق سب سے پہلے یہ انکشاف فرمایا کہ تمام نباتات میں نرومادہ کا وجود پایا جاتا ہے۔جیسا کہ اللہ تعالیٰ فرماتا ہے وَأَنْبَتْنَا فِيهَا مِنْ كُلِّ زَوْجٍ بَهِيجٍ - 26 ہم نے زمین میں ہر قسم کے خوبصورت جوڑے اُگائے ہیں۔جب یہ آیت نازل ہوئی ہے تو عربوں میں صرف اتنا علم پایا جا تا تھاکہ کھجور میں نر و مادہ ہوتا ہے مگر محمد رسول اللہ صلی اللہ علیہ وسلم جن پر قرآن نازل ہوا انہیں اتنا علم بھی نہیں تھا۔چنانچہ احادیث میں آتا ہے کہ ایک دفعہ رسول کریم صلی اللہ علیہ وسلم کہیں سے گزرے تو آپ نے دیکھا کہ کچھ لوگ کھیتوں میں کام کر رہے ہیں اور وہ ایک جگہ سے کوئی چیز لاتے ہیں او ر دوسری پر لگا دیتے ہیں۔آپ نے فرمایا یہ کیا ہے؟ تو انہوں نے جواب دیا يَارَسُولَ اللہ ! ہم رکھجور کا مادہ کھجور سے پیوند کرتے ہیں۔آپ نے فرمایا اس کا کیا فائدہ جو پھل لگنا ہے وہ تو آپ ہی لگ جائے گا۔انہوں نے یہ بات سن کر نر اور مادہ درختوں کو آپس میں ملا نا ترک کر دیا۔دوسرے سال وہ لوگ آپ کے پاس آئے اور انہوں نے کہا يَا رَسُولَ اللہ ! ہماری فصل تو بہت کم ہوئی ہے کیونکہ ہم آپ کے کہنے پر پیوند لگانے سے رُک گئے تھے۔آپ نے فرمایا تم کیوں رُک گئے تھے؟ میں تو ایک انسان ہوں اور مجھے علم غیب حاصل نہیں۔اگر تمہارے تجربہ سے یہ بات ثابت تھی تو تم نے میری بات نہیں ماننی تھی۔27 پھر قرآن کریم نے صرف نباتات کے نرومادہ ہونے کا ہی ذکر نہیں کیا بلکہ فرمایا۔وَمِنْ كُلِّ شَيْ خَلَقْنَازَ و جَيْنِ لَعَلَّكُمْ تَذَكَّرُونَ۔28 ہم نے ہر چیز کے نرومادہ بنائے ہیں تا کہ تم نصیحت حاصل کرو۔اب انسان کے نرومادہ کا تو سب کو علم ہے،