حضرت سید ولی اللہ شاہ ؓ — Page 143
حضرت سید ولی اللہ شاہ صاحب 143 علمی کارنامے میں سیرت رسول ﷺ کے مختلف پہلوؤں پر مضامین ترتیب دیئے گئے ہیں۔(۱۷) وصیت حضرت سید عبد الستار شاہ صاحب مع مناجات اس کے بارہ میں حضرت سید زین العابدین ولی اللہ شاہ صاحب تحریر کرتے ہیں :- یہ وصیت اپریل ۱۹۲۷ء میں والدم حضرت ڈاکٹر سید عبدالستار شاہ صاحب رحمۃ اللہ علیہ نے لکھ کر مجھے دی کہ میں اسے محفوظ رکھوں اور یہ کہ اسے اپنے لئے دستورالعمل بنایا جائے۔ان دنوں آپ کو اس بات کا شدید رنج وفکر تھا کہ اس وقت تک کیوں ہم نے دارالامان میں مکان نہیں بنوائے۔یہ فکر اس حد تک تھا کہ آپ اس سے دن رات بے چین رہتے اور اس قلق واضطراب کی حالت میں شاید دل کو تسکین دینے کی خاطر آپ نے ہمارے لئے یہ وصیت اپنے ہاتھوں سے لکھی۔آج رات جب کہ کاتب کتابت کا آخری کام کر چکا تو میں نے اپنے تئیں شفا خانہ رعیہ میں دیکھا۔جہاں شاہ جی رحمتہ اللہ علیہ تقریباً چھپیں سال تک انچارج ڈاکٹر رہے۔کیا دیکھتا ہوں کہ آپ اسی شفا خانہ میں لوگوں کے علاج میں مصروف ہیں۔وہ اُجڑا ہوا تھا مگر آپ کی آمد سے آباد ہے۔اس میں آج کل حیوانات کا شفا خانہ ہے۔خواب میں بھی دیکھتا ہوں کہ اس میں حیوانوں کے علاج کا بھی سامان ہے اور انسانوں کے علاج کیلئے بھی آپ کو اجازت حاصل ہے۔بیمار آپ کے اردگرد جمع ہیں اور شفا خانہ میں رونق ہے۔اس کی تعبیر میں نے یہ کی ہے کہ ممکن ہے کہ یہ وصیت اور یہ مناجات جو میں نے آپ کی یاد میں بطور ضمیمہ کے ترتیب دی ہے بہت سے دلوں کی شفایابی اور آبادی کا موجب ہو۔آمین۔خاکسار زین العابدین ولی اللہ شاہ