تحریک جدید ۔ ایک الٰہی تحریک (جلد پنجم ۔ 1974ء تا 1982ء) — Page 390
خطاب فرمودہ 04 نومبر 1977ء تحریک جدید- ایک الہی تحریک جلد پنجم کے ذریعہ سے یہ کام ہوگا۔محمد صلی اللہ علیہ وسلم نے بھی فرمایا اور پہلے بزرگوں نے بھی آپ کی احادیث اور اقوال کو سمجھ کر یہ فرمایا۔اور حضرت مسیح موعود علیہ السلام کو بھی خدا تعالیٰ نے یہی سمجھایا۔اور آپ کو یہ بشارتیں دیں کہ یہ وہ زمانہ ہے، جس میں بنی نوع انسان ایک خاندان بنا دیئے جائیں گے۔اب آپ سوچیں کہ اس ذمہ داری کے نتیجہ میں آپ کو کیا کیا کچھ چھوڑنا پڑے گا اور کیا کیا کچھ لینا پڑے گا ؟ اصل بات یہ ہے کہ ہر احمدی کی یہ ذمہ داری ہے کہ وہ اپنا سب کچھا اپنے خدا کے حضور پیش کر دے۔اور خدا تعالیٰ سے یہ مانگے کہ اے خدا! ہر وہ چیز ، جس کی اس انقلاب عظیم کو کامیاب کرنے کی ضرورت ہے، وہ ہمیں عطا کر دے۔بڑی ذمہ داری ہے، بڑی ذمہ داری ہے۔آدمی سوچتا ہے تو بہت پریشان ہوتا ہے۔اپنی کمزوریوں کو دیکھتا ہے تو ہمت ٹوٹنے لگتی ہے۔لیکن خدا تعالیٰ نے جو بشارتیں دی ہیں، خدا تعالیٰ نے جو وعدے کئے ہیں اور خدا تعالیٰ نے جو اعلان کیا ہے کہ میں اپنے وعدوں کی خلاف ورزی نہیں کیا کرتا، اپنے وعدے پورے کیا کرتا ہوں۔اس پر ہمارا بھروسہ ہے۔ایک طرف نیستی کا اقرار ہر احمدی کا اقرار ہے کہ ہم لاشئی محض ہیں اور ہم کوئی چیز نہیں۔اور ایک طرف یہ اعلان ہے کہ جس عظیم ہستی کا ہم نے دامن پکڑا ہے، یعنی اللہ تعالیٰ ، وہ ساری قدرتوں کی مالک ہے اور اس سے آگے کوئی چیز انہونی نہیں۔اور یہ اعلان کہ جس عظ انسان محمد صلی اللہ علیہ وسلم خاتم الانبیاء کا عشق ہمارے دل میں پیدا ہوا ہے، اس کے افاضہ روحانی کی کوئی حد بست نہیں کی جاسکتی۔بلکہ وہ قیامت تک پھیلا ہوا ہے اور ہر ضرورت کو پورا کرنے والا ہے۔اسی واسطے میں نے آج کہا تھا کہ ہمارا یہ اجتماع ، جو کئی سال کے وقفہ کے بعد ہوا ہے۔اس کی خصوصیت میں دعا اور درود قرار دیتا ہوں کہ دعائیں کریں اور درود بھیجیں۔دعا آپ تبھی عاجزی سے کر سکتے ہیں، جب آپ اپنے مقام کو پہچانتے ہوں، جب آپ اپنی ذمہ داریوں کو جانتے ہوں، جب آپ اس انقلاب عظیم کا احساس اپنے دل میں پیدا کریں۔اور جب آپ اس نتیجہ پر پہنچیں کہ اپنی کوشش سے ہم نوع انسان کا دل محمد صلی اللہ علیہ وسلم کے لئے نہیں جیت سکتے۔اور یہ بچی بات ہے کہ نہیں جیت سکتے۔جب تک آسمان سے فرشتے نازل ہو کر ہماری مدد نہ کریں، اس وقت تک ہم نوع انسانی کا دل کیسے جیت سکتے ہیں، پیدا کرنے والے رب کے لئے اور محمد صلی اللہ علیہ وسلم کے لئے ؟ محمد صلی اللہ علیہ وسلم کے جھنڈے تلے نوع انسانی ضرور جمع ہوگی۔کیونکہ یہ خدا کا وعدہ ہے اور یہ پورا ہوکر رہے گا۔لیکن جس چیز کی ہمیں فکر کرنی چاہیے، وہ یہ ہے کہ جماعت احمدیہ کی ہر نسل اپنی ذمہ داریوں کو سمجھے اور اس کے مطابق قربانیاں دینے کے لئے تیار ہو۔اسی لئے خدا تعالیٰ نے ہمیں کہا تھا۔390