تحریک جدید ۔ ایک الٰہی تحریک (جلد دوم۔ 1940 تا 1947) — Page 706
خطبه جمعه فرمودہ 22 مارچ 1946ء تحریک جدید - ایک الہی تحریک۔۔۔جلد دوم کی عقل تیز نہیں ہوتی یا تبلیغ کرنے میں ست ہوتے ہیں یا جاہل ہوتے ہیں، تبلیغ کر نہیں سکتے تو اس لحاظ سے ہم دو لاکھ کے مقابلہ میں ایک ہوئے۔اب دو لاکھ کے مقابلہ میں ایک آدمی کیا کر سکتا ہے؟ پس ضرورت ہے اس امر کی کہ جماعت کی تعداد کو جلدی جلدی بڑھایا جائے۔جب تک تعداد زیادہ نہیں ہوتی تبلیغ کا عام ہونا بہت مشکل ہے۔اس دفعہ تبلیغ میں بھی محمد آباد سب سے بڑھ گیا ہے۔سندھیوں میں سب سے زیادہ محمد آباد کے لوگوں نے تبلیغ کی ہے اور تیرہ چودہ آدمی بیعت بھی کر چکے ہیں اور سرعت کے ساتھ ترقی کی طرف قدم اٹھتا نظر آ رہا ہے۔اس دفعہ محمد آباد باقی اسٹیٹیوں سے دولحاظ سے اول نمبر پر رہا ہے۔اول فصلوں کے لحاظ سے، جیسی فصل اس دفعہ محمد آباد میں ہے، ایسی فصل ہماری کسی اور سٹیٹ میں نہیں ہے۔یہاں یہ سوال نہیں کہ محمد آباد ایک دنیوی کام میں سب سے بڑھ گیا ہے۔بلکہ ہم اس کامیابی کو اس نقطہ نگاہ سے دیکھتے ہیں کہ محمد آباد نے خدا کے نام کی جائیداد کو باقی اسٹیوں سے زیادہ کامیاب بنانے کی کوشش کی ہے۔حقیقت یہ ہے جو شخص خدا کے کام آنے والی جائیداد کی آمدنی میں ایک پیسہ کی بھی زیادتی کرتا ہے، گویاوہ ایک پیسہ اپنی آمدنی سے خدا تعالی کی راہ میں خرچ کرتا ہے۔اور جو شخص خدا تعالیٰ کی فصل کو زیادہ کرتا ہے تو جو آمدن اس زائد فصل سے ہوتی ہے، وہ اللہ تعالیٰ کے دفتر میں اسی کے نام لکھی جاتی ہے، گویا اس نے اپنے پاس سے خدا کی راہ میں خرچ کی۔پس اس اسٹیٹ کے لوگوں کا فصل کو بڑھانا دنیوی لحاظ سے بھی گو فائدہ مند ہے لیکن دینی لحاظ سے بھی کارکنوں کے لیے ثواب کا موجب ہے۔اللہ تعالیٰ ہمارے نوجوانوں کو ہمت دے اور ان کی محنت میں برکت دے۔دوسرے تبلیغی لحاظ سے محمد آباد اول نمبر پر ہے۔اللہ تعالیٰ کرے کہ ان کے ذریعہ دین کی اشاعت اور تبلیغ اسلام کی خوشبو دور دور تک پھیلے۔ہمارے لیے تبلیغی لحاظ سے سندھ بہت اعلیٰ جگہ ہے۔سندھ وہ ملک ہے، جہاں اسلام ہندوستان میں سب سے پہلے آیا۔جہاں مقامی روایات کے مطابق رسول کریم صلی اللہ علیہ وسلم کے بعض صحابہ تشریف لائے اور جہاں آپ کے صحابہ فوت ہوئے۔ناصر آباد کے پاس ایک گاؤں ہے، جس کا نام دیہہ صحابو" ہے۔یعنی صحابی کا گاؤں وہاں ایک صحابی " کی قبر بھی ہے اور عین میری زمین میں ہے۔اسی طرح ہمبئی کے پاس ایک جگہ تھا نہ ہے، وہاں بھی صحابہ کی قبریں بیان کی جاتی ہیں۔اہل عرب میں تبلیغ کرنے کا سب سے اچھا رستہ سندھ ہے۔ہم پنجاب سے عرب میں تبلیغ نہیں کر سکتے ، ہم بنگال سے بھی عرب میں تبلیغ نہیں کر سکتے ، ہم یو۔پی سے بھی عرب میں تبلیغ نہیں کر سکتے ، ہم افغانستان سے بھی عرب میں تبلیغ نہیں کر سکتے۔اگر ہم عرب میں تبلیغ کر سکتے ہیں تو سندھ کے رستے سے ہی کر سکتے ہیں۔کیونکہ۔706