تاریخ احمدیت (جلد 24) — Page 112
تاریخ احمدیت۔جلد 24 112 سال 1967ء بے پایاں رحمت اور محبت سے بڑی کامیابی کے سامان پیدا کر دئیے۔صرف ہمبرگ کے علاقہ میں ٹیلی ویژن پر انداز اساٹھ ستر لاکھ دیکھنے والے احمدیت سے متعارف ہوئے۔اس کے علاوہ سوئٹزر لینڈ میں وہاں کے ٹیلی ویژن پر لاکھوں آدمی احمدیت سے متعارف ہوئے۔ہمبرگ کے صوبہ میں صرف چار روزانہ اخبار ہیں تین صبح شائع ہوتے ہیں ایک شام۔ہر چار اخباروں نے توجہ کھینچنے والی بڑی تصاویر شائع کر کے خبریں شائع کیں۔جن میں یہ خبر بھی تھی کہ اگر وہ اپنے زندہ خدا سے زندہ تعلق قائم نہ کریں گے تو تباہ ہو جائیں گے۔نتیجہ یہ ہوا کہ اگلے روز بازار میں جاتے تو سارا بازار کام چھوڑ چھاڑ کر ہماری طرف متوجہ ہو جاتا۔۔۔پر یس کا نفرنس ہر مقام پر کامیاب رہی۔ہالینڈ والے ڈرتے تھے کہ کہیں اسرائیل کے متعلق سوال ایسے رنگ میں نہ کئے جائیں جن سے نقصان ہو کیونکہ اسلام دشمنی زوروں پر ہے۔اللہ تعالیٰ نے ایسا رعب ڈالا کہ وہ اس قسم کے سوال کی جرات ہی نہ کرسکیں۔ہمبرگ میں پریس کانفرنس تقریباً ڈیڑھ گھنٹہ کی تھی۔ہر قسم کے دلچسپ سوالات کئے گئے اور تسلی بخش جواب اللہ تعالیٰ نے دلوائے۔پیشگوئیوں کا سمجھنا ان کے لئے مشکل ہے آسان نہیں۔ایک اخبار نے اس کی طرف اشارہ بھی کیا ہے۔اس قدر دلچسپی لی کہ دیکھنے والے حیران تھے اور خدا کا ایک بندہ اپنے رب کی حمد سے معمور۔فالحمد للہ 96 سید میر داؤ د احمد صاحب کے نام مکتوب کا اقتباس صرف ہمبرگ کے علاقہ میں تقریباً ساٹھ ستر لاکھ آدمی نے ٹیلی ویژن پر احمدیت سے تعارف حاصل کیا۔بڑی برکت ہے الحمد للہ۔صرف چار اخبار اس چھوٹے سے صوبے میں شائع ہوتے ہیں (T۔V کا حلقہ کئی صوبوں پر مشتمل ہے) جن میں سے ایک DIE WELT ساری مغربی جرمنی کے چوٹی کے اخباروں میں سے ایک ہے۔سب نے نمایاں تصویر کے ساتھ نوٹ دیئے ہیں۔نتیجہ بچہ بچہ پہچاننے لگا ہے۔باہر نکلیں تو سب آنکھیں ہم پر۔سب کام بھول جاتے ہیں۔دوکاندار اخبار نکال کر سامنے رکھ دیتے ہیں یا زبانی اظہار کرتے ہیں کہ ہم آپ کو جانتے