تاریخ احمدیت (جلد 20) — Page 720
تاریخ احمدیت 720 جلد ۲۰ تقریر فرمائی۔حضور کے پیغام کا متن حسب ذیل تھا۔بسم الله الرحمن الرحيم ط صلى الله اعوذ بالله من الشيطن الرجيم ط ا نحمده و نصلی علی رسوله الكريم ط خدا کے فضل اور رحم کے ساتھ هو الناصر برادران جماعت احمدیہ! السلام علیکم ورحمۃ اللہ و برکاتہ مجھ سے خواہش کی گئی ہے کہ میں تحریک جدید کے نئے مالی سال کے آغاز کا اعلان کرتے ہوئے دوستوں کو اس تحریک میں زیادہ سے زیادہ جوش اور اخلاص کیسا تھ حصہ لینے اور اپنے وعدوں کو پچھلے سالوں سے بڑھا کر پیش کرنے کی طرف توجہ دلاؤں۔تحریک جدید کوئی نئی یا عارضی چیز نہیں بلکہ قیامت تک قائم رہنے والی چیز ہے۔اس لئے مجھے ہر سال اس کے متعلق کچھ کہنے کی ضرورت نہیں لیکن چونکہ مجھے کہا گیا ہے کہ اس بارہ میں اعلان کروں اس لئے میں تحریک جدید کے نئے مالی سال کے آغاز کا اعلان کرتا ہوں اور دوستوں کو توجہ دلاتا ہوں کہ وہ اس تحریک میں بڑھ چڑھ کر حصہ لیں اور زیادہ سے زیادہ مالی قربانی کا نمونہ دکھا ئیں تا کہ تبلیغ کا کام قیامت تک جاری رہے۔یہ امر یا درکھو کہ ہماری جماعت محمد رسول اللہ ﷺ کی جماعت ہے۔اور محمد رسول اللہ ﷺ کا کام قیامت تک جاری رہے گا۔پس ہمیں سمجھ لینا چاہیئے کہ ہمارے سپر د اللہ تعالیٰ کی طرف سے اشاعت اسلام کا جو کام کیا گیا ہے وہ قیامت تک جاری رہنے والا ہے اور ہمیں قیامت تک آپ کے جھنڈے کو بلند رکھنے کیلئے ہر قسم کی قربانیوں سے کام لینا پڑیگا۔بے شک رسول کریم ﷺ نے فرمایا ہے کہ قیامت اشرار الناس پر آئے گی لیکن اگر لوگ نیکی پر قائم رہیں تو خدا تعالیٰ اس کو بدل بھی سکتا ہے اور بالکل ممکن ہے کہ قیامت اشرار الناس پر نہیں اختیار الناس پر آئے۔یہ تو امت کے اختیار میں ہے کہ وہ اپنے آپ کو ایسا اچھا بنائے کہ خدا تعالیٰ اپنی تقدیر کو بدل دے اور قیامت آنے کے وقت بھی دنیا میں اچھے لوگ ہی ہوں بُرے نہ ہوں اور چونکہ اس زمانہ میں دنیا کی ہدایت کیلئے خدا تعالیٰ نے ہماری جماعت کو کھڑا کیا ہے اور ہماری جماعت نے قیامت تک اسلام اور احمدیت کو پھیلاتے چلے جانا ہے۔اس لئے ہماری خواہش ہے کہ اللہ تعالیٰ ایسا فضل کرے کہ قیامت اچھے لوگوں پر ہی آئے اور ہماری جماعت کے افراد کبھی بگڑیں نہیں بلکہ ہمیشہ نیکی اور تقویٰ پر قائم رہیں۔سلسلہ سے پورے اخلاص کے ساتھ وابستہ رہیں۔اسلام