تاریخ احمدیت (جلد 3) — Page 580
ماریخ احمدیت۔جلد ۳ 572 حضرت خلیفہ المسیح الاول کی سیرت طیبہ جو ان دنوں قادیان کا ریلوے سٹیشن تھا۔کسی نے عرض کیا۔حضرت بلا توقف آنے کا یہ مطلب تو نہیں تھا۔کہ آپ گھر جا کر سامان بھی نہ لیں۔اور اتنے لمبے سفر پر یوں خالی ہاتھ روانہ ہو جائیں ؟ فرمایا امام کا حکم ہے۔کہ بلا توقف آؤ۔اس لئے میں ایک منٹ کے توقف کو بھی گناہ خیال کرتا ہوں اور خدا خود میرا کفیل ہو گا۔خدا نے بھی اس نکتہ کو ایسا نوازا کہ بٹالہ کے اسٹیشن پر ایک متمول مریض مل گیا۔جس نے آپ کا بڑا اکرام کیا اور دہلی کا ٹکٹ خرید کر دینے کے علاوہ ایک معقول رقم بھی پیش کی۔اکثر فرمایا کرتے تھے کہ اگر حضرت مسیح موعود مجھے ارشاد فرما ئیں کہ اپنی لڑکی کسی چوہڑے کے ساتھ بیاہ دو تو خدا مجھے ایک سیکنڈ کے لئے بھی تامل نہ ہو۔یقینا ایسا پاک جو ہر دنیا میں کم پیدا ہوتا ہے۔حضرت مسیح موعود کو بھی حضرت مولوی صاحب کے ساتھ از حد محبت تھی اپنے ایک شعر میں فرماتے ہیں۔چه خوش بودے اگر ہر یک زامت نور دیں بودے ہمیں بودے اگر ہر دل پر از نور یقین بودے یعنی کیا ہی اچھا ہو اگر قوم کا ہر فرد نور دین بن جائے۔مگر یہ تب ہی ہو سکتا ہے کہ ہر دل یقین کے نور سے بھر جائے۔