سیرت حضرت اماں جان — Page 86
86 حضرت اُم المومنین ادام اللہ فیوضھا کی نسل از حضرت صاحبزادہ میرزا بشیر احمد صاحب ایم۔اے) تین چار روز ہوئے ایک دوست نے میرے سامنے حضرت ام المومنین ادام اللہ فیوضھا کی نسل کی فہرست پیش کر کے درخواست کی کہ اگر اس فہرست میں کوئی غلطی رہ گئی ہو۔یا کوئی فروگزاشت ہوگئی ہوتو وہ درست کر دی جائے۔میں نے اس فہرست کو دیکھ کر ضروری تصحیح کر دی۔اس فہرست کی میزان ایک سو گیارہ تھی یعنی حضرت اُم المومنین نوراللہ مرقدھا کی نسل میں اس وقت جو افراد ( مرد عورت لڑکے لڑکیاں ) زندہ موجود ہیں۔ان کی میزان ایک سو گیارہ بنتی ہے۔اور فوت ہونے والے بچوں کی تعداد میں ہے۔جو اس کے علاوہ ہے۔یعنی کل میزان ایک سو اکتیس ہے یہ ایک نہایت درجہ غیر معمولی تعداد ہے۔جو کسی شخص کو اپنی زندگی میں اپنے بیٹوں اور بیٹیوں نواسوں اور نواسیوں کی اپنی آنکھوں کے سامنے دیکھنی نصیب ہوئی ہے۔میں خدا تعالیٰ کے اس غیر معمولی انعام اور غیر معمولی فضل و رحمت کے متعلق غور کر رہا تھا کہ اچانک مجھے خیال آیا۔کہ اس کے مقابل پر حضرت مسیح موعود علیہ السلام کی بڑی زوجہ محترمہ کی نسل کے متعلق بھی دیکھا جائے کہ ان کی میزان کیا بنتی ہے۔سو حساب کرنے سے معلوم ہوا کہ ہماری بڑی والدہ کی نسل میں اس وقت زندہ افراد کی تعداد 9 اکس پر مشتمل ہے۔حالانکہ حضرت مسیح موعود علیہ السلام کے ساتھ ان کی شادی حضرت اُم المومنین ادام اللہ فیوضھا کی شادی سے قریباً ۳۵ سال پہلے ہوئی تھی۔گویا ۳۵ سال زیادہ زمانہ پانے کے باوجود حضرت مسیح موعود علیہ السلام کی زوجہ اول کی نسل میں اس وقت صرف ۱۹ افراد موجود ہیں۔اور اس کے مقابل پر ۳۵ سال کم پانے پر بھی حضرت اماں جان مرحومہ مغفورہ کی زندہ نسل اس وقت ایک سو گیارہ ہے۔یہ عظیم الشان بلکہ عدیم المثال فرق یقیناً اللہ تعالیٰ کے ان غیر معمولی وعدوں کی وجہ سے ہے۔جو حضرت ام المومنین اور آپ کی نسل کے متعلق حضرت مسیح موعود علیہ السلام کی زبان مبارک پر جاری ہوئے چنانچہ جیسا کہ سب دوست جانتے ہیں حضرت اماں جان کی شادی پر اللہ تعالیٰ نے حضرت مسیح موعود علیہ السلام کو مخاطب