سیر روحانی — Page 702
۷۰۲ ۵۲ سڑنے والی مچھلیاں کھلاتی ہیں مگر یہ نہر کبد حوت کے جنتی کباب کھلاتی ہے۔چنانچہ رسول کریم صلی اللہ علیہ وسلم بھی فرماتے ہیں کہ اَوَّلُ طَعَام يَا كُلُهُ اَهْلُ الْجَنَّةِ زِيَادَةُ كَبِدِ حُوتٍ یعنی پہلا کھانا جو جنتیوں کو ملے گا وہ مچھلی کے جگر کا زائد حصہ ہوگا جو نہایت اعلیٰ حصہ ہوتا ہے۔روحانی نہریں کبھی کا فوری اور کبھی زنجبیلی پھر دوسری نہریں اس دنیا میں ختم ہو جاتی ہیں مگر یہ نہر سمندر پار ہی نہیں جاتی بلکہ کبھی دودھ اور کبھی شہد کی شکل میں موت پار بھی جاتی ہے اور کبھی کا فوری شکل میں ظاہر ہوتی ہے جیسا کہ فرماتا ہے۔يَشْرَبُونَ مِنْ كَأْسٍ كَانَ مِزَا جُهَا كَا فُورًا ۵۳ خدا تعالیٰ کے نیک بندے ایسے پیالے پئیں گے جن میں کا فور کی ملونی ہوگی۔اور کبھی زنجبیلی شکل میں ظاہر ہوتی ہے جیسا کہ فرمایا وَيُسْقَوْنَ فِيْهَا كَا سَا كَانَ مِزَاجُهَا زَنُجَبِيلاً ۵۴ مؤمنوں کو جنتوں میں ایسے گلاسوں سے پانی پلایا جائے گا جن میں زنجبیل ملی ہوئی ہوگی۔پھر کبھی دودھ کی شکل میں یہ نہر چل پڑتی ہے جیسا کہ فرماتا ہے مَثَلُ الْجَنَّةِ الَّتِي وُعِدَ الْمُتَّقُونَ فِيهَا أَنْهَرٌ مِنْ مَّا غَيْرِ اسِنٍ وَ اَنْهَرٌ مِّنْ لَّبَنٍ لَّمْ يَتَغَيَّرُ طَعْمُهُ، ۵۵ یعنی یہ جو قرآنی تعلیم کی نہر ہے یہ ایک دن جنت میں نہروں کی شکل میں ظاہر ہو گی۔مگر وہاں کئی نہریں ہونگی کسی میں پانی ہو گا مگر وہ پانی سڑنے والا نہیں ہوگا اور کچھ نہروں میں دودھ ہو گا مگر دودھ کا مزہ تو بگڑ جاتا ہے اُن کا مزہ کبھی خراب نہیں ہوگا۔پھر کبھی یہ نہر شہد کی شکل میں چل پڑتی ہے۔جیسے فرمایا۔وَاَنْهَرٌ مِّنْ عَسَلٍ مُصَفًّى - ۵۶ یعنی وہاں خالص اور مصفی شہد کی بھی نہریں ہونگی۔محمدی نہر کوثر کی شکل میں اور سب سے بڑھ کر یہ کہ کبھی محمد کی نہر قیامت میں کوثر کی شکل میں ظاہر ہو جاتی ہے جیسا کہ وہ فرماتا ہے۔اِنَّا أَعْطَيْنَكَ الْكَوْثَرَه فَصَلِّ لِرَبِّكَ وَانْحَرُهِ إِنَّ شَانِشَكَ هُوَ الْاَ بْتَرُ اے محمد رسول اللہ ! یقیناً ہم نے تجھے کوثر عطا کیا ہے سو تو اس کے شکریہ میں اپنے رب کی کثرت کے ساتھ عبادت کر اور اُسی کی خاطر قربانیاں کر اور یقین رکھ کہ تیرا مخالف ہی نرینہ اولاد سے محروم ثابت ہو گا۔