سیر روحانی — Page 701
2 +1 عمر کا واقعہ دیکھو۔کیسی سنگلاخ زمین تھی مگر پھر محمد رسول اللہ صلی اللہ علیہ وسلم کی تاثیر سے اُس میں سے کیسی نہر چلی بلکہ اُس سے پہلے ابوبکری نہر چلی ، پھر عمر کی نہر چلی ، پھر عثمانی نہر چلی، پھر علوی نہر چلی۔پھر اُس سے آگے قادری ، چشتی ، نقشبندی اور سہروردی نہریں جاری ہو ئیں۔سیّد عبدالقادر صاحب جیلانی ، مولانا روم ، ابراہیم ادھم ، امام غزالی، حضرت معین الدین صاحب چشتی ، حضرت داتا گنج بخش ، حضرت بختیار کا کئی، حضرت فرید الدین صاحب شکر گنج " حضرت نظام الدین صاحب اولیاء ، حضرت خواجہ سلیم چشتی ، حضرت سید احمد صاحب سر ہندیؒ، حضرت ولی اللہ شاہ صاحب ، حضرت خواجہ میر درد صاحب ، حضرت سید احمد صاحب بریلوی اور آخر میں حضرت مسیح موعود علیہ الصلوۃ والسلام کی نہر بھی اسی نہر میں سے نکلی ہوئی نہریں تھیں۔بتاؤ وہ اور کونسی نہر ہے جو اتنے زمانہ تک اور اتنے ملکوں میں پھیلی ہو۔کوئی نہر دوسو میل چلتی ہے، کوئی چار سو ، کوئی سو سال چلتی ہے، کوئی ڈیڑھ سو سال مگر محمد رسول اللہ صلی اللہ علیہ وسلم والی نہر عرب سے نکلی اور شمال میں بڑھتے ہوئے قسطنطنیہ سے ہوتے ہوئے پولینڈ تک چلی گئی۔دوسری طرف یورپ میں سے ہوتے ہوئے سستی تک جا پہنچی۔مغرب میں مصر سے ہوتے ہوئے ٹیونس، مراکش، الجیریا اور سپین تک چلی گئی۔پھر سیرالیون ، گولڈ کوسٹ اور نائیجیر یا تک چلی گئی۔مشرق میں ایران ، بخارا، چین، ہندوستان اور برما تک چلی گئی۔جنوب میں انڈونیشیا اور فلپائن تک چلی گئی۔دوسری نہریں خشکی تک چلتی ہیں اور آگے بند ہو جاتی ہیں سمندر آیا اور نہر ختم۔مگر محمد رسول اللہ صلی اللہ علیہ وسلم کی نہر سمندر بھی پار کر گئی اور پھر انگلی خشکی میں جاری ہوگئی۔یہ نہر عرب سے آئی مگر عرب پر ختم نہیں ہو گئی بلکہ بحیرہ عرب کو بھی گود کر گزرگئی اور ہندوستان میں آگئی ، ہندوستان سے چلی اور ہمالیہ پہاڑ پر جا کر ختم نہیں ہو گئی جیسا کہ دُنیوی نہریں پہاڑ سے کی سے نکلتی ہیں اور خشکی میں جا کر ختم ہو جاتی ہیں۔مگر یہ نہر آئی اور ہمالیہ پہاڑ کو بھی پھاند کر پرے چلی گئی اور اوپر جا کر سنکیا نگ وغیرہ کے علاقوں تک میں اسلام کو پھیلا دیا۔ایک سوال کا جواب یہاں سوال پیدا ہوتا ہے کہ کیا مسیحیت نہیں پھیلی ؟ اسکا جواب یہ ہے کہ نہیں ، کیونکہ نہر سے سبزی پیدا ہوتی ہے اور مسیحیت سے سبزی پیدا نہیں ہوئی بلکہ اُجاڑ پیدا ہوا اور مسیحیت نے سارے ملکوں کو تباہ کر دیا۔مادی اور روحانی نہروں میں بعض اور فرق پھر مادی نہروں میں کشتیاں ڈوبتی ہیں مگر یہ نہر کشتیاں تیراتی ہے۔مادی نہریں