اوڑھنی والیوں کے لئے پُھول — Page 327
327 ہے۔اسی طرح اگر تم کھانوں میں کمی کروگی تو تمہاری دعوتیں وسیع ہو جائیں گی اور روپیہ بھی کم خرچ ہوگا۔جو روپیہ بچے گا تم اپنے بچوں کی تعلیم پر خرچ کر سکو گی۔اور تم چندے بھی دے سکو گی اور دوسرے دینی مشاغل میں بھی وہ بچایا ہوا رو پیہ صرف کر سکو گی اگر امیر عورتیں ایسی عادت ڈالیں تو وہ اپنے خاوندوں کو بھی سدھار سکتی ہیں۔اور میں نے کئی ایسی مثالیں دیکھی ہیں جہاں عورتوں نے مردوں کو سدھارا۔اور انہوں نے اپنے خاوندوں کو بھی تقلص بنا دیا۔وہ چونکہ خود سادہ زندگی بسر کرتی تھیں اس لئے انہوں نے اپنے خاوندوں کو بھی ایسا بنا دیا۔پس تحریک جدید میں عورتوں کا بہت بڑا دخل ہے۔تم اقتصادی طور پر اپنے خاوندوں کی مدد کرو سادہ خوراک اور سادہ کھانے کی عادات ڈالو۔جو عورت زیور سے خوش ہو جاتی ہے وہ بڑے کام نہیں کرسکتی۔پس سادہ کھانا کھاؤ سادہ کپڑے پہنو اور مساوات قائم کرو ورنہ خدا تعالیٰ خود تمہارے اندر مساوات قائم کر دے گا۔آج کل خدا تعالیٰ ایک نئی بادشاہت قائم کرنا چاہتا ہے۔نئی بادشاہت میں امیر غریب ہو جائیں گے اور غریب امیر۔جو مصیبت امیر اپنے اوپر عائد کریں گے اس کا کوئی دوسرا ذمہ دار نہ ہو گا بلکہ وہی خود زمہ دار ہوں گے۔اگر تم دنیا میں سکھ حاصل کرنا چاہتی ہو اور خدا کو بھی خوش کرنا چاہتی ہو تو اپنے مالوں میں سے غریبوں کو بھی حصہ دو۔اگر تم ایسا نہیں کرو گی تو وہ دن نزدیک ہیں کہ خدا اس کا انتظام کرے۔تم اُن دنوں کا انتظارمت کرو بلکہ خود ہی ثواب اٹھاؤ۔میں امید کرتا ہوں کہ تم اپنی اولادوں کی تربیت کی طرف خاص توجہ کروگی اور دنیا کے لئے اپنے آپکو ایک نمونہ بناؤ گی۔از مصباح ۱/۱۵ جنوری ۱۹۳۹ء ) جلسی خلافت جو بلی کی مبارک تقریب کے موقع پر حضرت خلیفہ اسیح الثانی رضی اللہ عنہ کا خواتین جماعت سے خطاب لجنہ اماءاللہ قادیان کے ایڈریس کا جواب اور عورتوں کو ضروری نصائح ۲۷۔دسمبر ۱۹۳۹ء کو جلسہ خلافت جو بلی کی مبارک تقریب پر حضرت خلیفتہ المسیح الثانی رضی اللہ عنہ کے حضور سیدہ ام طاہر احمد صاحبہ مرحومہ جنرل سیکرٹری لجنہ اماءاللہ قادیان نے تہنیت نامہ پیش کیا جس میں حضور