نُورِ ہدایت — Page 1136
ہیں۔چنانچہ فرما یا مِن شَرِّ غَاسِقٍ إِذَا وَقَبَ۔وَمِن شَرِ النَّقْفتِ فِي الْعُقَدِ کہ ان اندھیروں سے مراد یہ ہے کہ جب تم خدا تعالیٰ سے دعائیں کرتے ہوئے آگے بڑھو گے اور اس کی تبدیلیوں کے نظام میں ہر خیر سے کوئی برکت پانے لگو گے لیکن ہر شر سے محفوظ رہو گے تو اس کے نتیجہ میں دشمن پر کچھ اندھیرے طاری ہو جائیں گے اور ان اندھیروں کے نتیجہ میں وہ تم پر بھی اندھیرے طاری کرنے کی کوشش کریں گے۔ومِن شَرِ النَّقْفتِ فِي الْعُقَدِ تمہارے جو تعلقات قائم ہوں گے، تمہارے جو روابط پیدا ہوں گے، دنیا میں تم ہر دلعزیز ہو گے، نئی نئی قوموں سے تمہارے واسطے پیدا ہوں گے، ایسے تمام مواقع پر اللہ تعالیٰ مطلع فرماتا ہے کہ کچھ ایسے بھی پیدا ہوں گے جو ان تعلقات کو توڑنے کے لئے ان میں زہر گھولنے کے لئے پھونکیں ماریں گے۔نقفت کہتے ہیں پھونکنے والیوں کو۔یعنی جادوٹو نا کرنے والیوں کو بھی نظفت کہا جاتا ہے۔لیکن نفت کا اصل مضمون سانپ سے تعلق رکھتا ہے۔چنانچہ اسی مضمون سے آگے پھر جادوٹونے کا مضمون مستعار لیا گیا۔افعی یعنی سانپ جب زہر گھولتا ہے، گس گھولتا ہے تو اس کو عربی میں نفت کہتے ہیں۔(اقرب الموارد زیر لفظ نفث) فرمایا ایک طرف تو اللہ تعالیٰ کی رحمتیں اور نعمتیں ہیں جو تمہارے لئے زندگی کا انتظام کر رہی ہوں گی۔دوسری طرف موت تھوکنے والے بھی پیدا ہو جائیں گے جو تمہارے تعلقات کی گانٹھوں میں موت پڑھ پڑھ کر پھونکیں گے یا موت کا زہر گھولنے کی کوشش کریں گے۔اللہ تعالیٰ متنبہ فرماتا ہے کہ یہ خطرات وابستہ ہیں۔یہ وہ خطرات ہیں جو تمہارے مقدر میں ہیں۔ان کو کوئی ٹال نہیں سکتا۔ہاں اگر تم دعائیں کرو گے تو ان خطرات کے وقت ان کے شر سے محفوظ رہو گے۔یعنی یہ رات تو ایسی ہے جو ٹل نہیں سکتی۔لازما آنی ہے۔اندھیروں کی یہ پیداوار کہ سانپ بچھو نکل آئیں اور ڈسنے لگیں ، چور ڈا کو اور اچھکے پیدا ہوجائیں ، یہ تو ایک ایسی قدرت خداوندی ہے جس کو کوئی بدل نہیں سکتا۔فرمایا ہاں ایک چیز ہے جو ہمارے بس میں ہے۔یہ سانپ تھوکتے رہیں گے تمہاری گانٹھوں پر۔اللہ ان کے شرسے تمہیں محفوظ رکھتا 1136