نظامِ خلافت اور خلافت احمدیہ کے سو سال — Page 65
۴۴ ہم گواہ ہیں اس بات کے کہ اسلام کے اس عالمگیر غلبہ کی بنیاد سید نا حضرت مسیح موعود علیہ الصلوۃ والسلام کے مقدس ہاتھوں رکھی گئی، اور آپ نے اپنی حیات طیبہ کا ایک ایک لمحہ اس مقصد کی خاطر قربان کر دیا۔خدا تعالیٰ کی ہزار ہزار رحمتیں اور برکتیں نازل ہوں رسول مقبول ہے کے اس محبوب ترین روحانی فرزند پر جس نے خدمت دین اسلام کا حق ادا کر دیا۔آپ کی دینی خدمات کے تفصیلی تذکرہ کا یہ موقع نہیں لیکن میں یہ لکھنے سے رک نہیں سکتا کہ خدا تعالیٰ کے اس پہلوان جری اللہ فی حلل الانبیاء نے اسلام کی مدافعت، اس کی سربلندی اور ترقی کے لئے ایسی عظیم الشان خدمات سرانجام دیں کہ اشد ترین مخالفین نے بھی اس کا برملا اعتراف کیا۔آپ کو اسلام کا فتح نصیب جرنیل قرار دیا اور اقرار کیا کہ آپ نے اسلام کے عالمگیر غلبہ کے لئے نہایت مستحکم بنیادیں استوار کر دی ہیں۔بالآخر آپ کی زندگی میں وہ دن بھی آگیا۔جو ہر فانی انسان کی زندگی میں آیا کرتا ہے لیکن آپ نے وصال سے پہلے یہ بشارت دی کہ خدائے قادر و توانا آپ کے ذریعہ جاری ہونے والے مشن کو ہرگز نا تمام نہیں چھوڑے گا اور غلبہ اسلام کی آسمانی مہم خلافت کے زیرسایہ پھولتی پھلتی اور پروان چڑھتی رہے گی۔آپ نے فرمایا: یقیناً سمجھو کہ یہ خدا کے ہاتھ کا گایا ہوا پودا ہے خدا اس کو ہرگز ضائع نہیں کرے گا۔وہ راضی نہیں ہوگا جب تک کہ اس کو کمال تک نہ پہنچا دے اور وہ اس کی آبپاشی کرے گا اور اس کے گر داحاطہ بنائے گا اور تعجب انگیز ترقیات دے گا“۔انجام آتھم۔روحانی خزائن جلد ا ا ص ۶۴) خلافت احمدیہ کے ذریعہ غلبہ اسلام کی داستان دلنشین اور ایمان افروز ہونے کے ساتھ ساتھ اتنی پُر شوکت اور پُر عظمت ہے کہ اس کا بیان کرتے ہوئے قلم لڑ کھڑا تا ہے