مجدّدین اُمّتِ محمدیہ اور اُن کے تجدیدی کارنامے — Page 336
336 ہے یہ دراصل ابتداء ہے اس عالمگیر روحانی انقلاب کی جس کی برکت سے دنیا اس صدی میں انشاء اللہ ایک روح پرور نظارہ دیکھے گی۔نئی زمین ہوگی اور نیا آسمان اور ساری دنیا اسلام کے آفتاب عالمتاب کے نور سے منور ہو جائے گی۔آج احمدیت کا عالم اسلام بلکہ کل دنیا کیلئے پیغام یہ ہے: آؤ لوگو کہ یہیں نور خدا پاؤ گے لو تمہیں طور تسلی کا بتایا ہم نے پاکیزہ تبدیلیاں سید نا حضرت مسیح موعود علیہ السلام کا وجود پارس پتھر کی طرح ایک فیض رساں بابرکت وجود تھا۔جو بھی اس سے سچا تعلق پیدا کرتا اس کی دنیا بدل جاتی۔خاک کے ذرے ثریا سے ہمکنار ہو جاتے۔ان کی پرانی زندگیوں پر ایک موت وارد ہو جاتی۔ایک نئی روحانی زندگی ان کو نصیب ہوتی۔گناہوں کی آلائش سے پاک صاف ہوکر نیکیوں کے مجسمے بن جاتے اور جو نیکیوں کے ابتدائی مراحل میں ہوتے وہ کچھ اس طرح راہ سلوک پر دوڑ نے لگتے کہ دیکھتے ہی دیکھتے اعلیٰ روحانی مدارج پر جا پہنچتے۔روحانی اور پاکیزہ انقلاب کی یہ عظیم دولت ہے جو حضرت مسیح موعود علیہ السلام نے دنیا کو عطا کی اور اس کا سلسلہ آج بھی جاری وساری ہے۔حضرت مسیح موعود علیہ السلام نے فرمایا:- میں دیکھتا ہوں کہ میرے ہاتھ پر ہزار ہا لوگ بیعت کرنے والے ایسے ہیں کہ پہلے ان کی عملی حالتیں خراب تھیں اور پھر بیعت کرنے کے بعد ان کے عملی حالات درست ہو گئے اور طرح طرح کے معاصی سے انہوں نے توبہ کی اور نماز کی پابندی اختیار کی اور میں صد ہا ایسے لوگ اپنی جماعت میں پاتا ہوں کہ جن کے دلوں میں یہ سوزش اور تپش پیدا ہوگئی ہے کہ کس طرح وہ جذبات نفسانیہ سے پاک ہوں“۔(روحانی خزائن مطبوعہ لندن 1984 ء جلد 22، حقیقۃ الوحی صفحہ 86 حاشیہ) ہندوستان کے ایک مشہور عالم دین مولوی حسن علی صاحب 1894ء میں حضرت مسیح موعود علیہ السلام کے دامن سے وابستہ ہوئے۔دینی خدمات کی وجہ سے ہندوستان میں ان کا بڑا شہرہ تھا۔کسی