مکتوبات احمد (جلد دوم) — Page 496
مکتوبات احمد ۴۹۶ جلد دوم مکتوب نمبر ۶۶ پوسٹ کارڈ بِسْمِ اللَّهِ الرَّحْمَنِ الرَّحِيمِ نَحْمَدُهُ وَنُصَلِّي عَلَى رَسُولِهِ الْكَرِيمِ رسالہ ماہوار کی قیمت بہت ہلکی و خفیف رکھنا مصلحت سمجھا گیا ہے مگر پہلے رسالہ کے نکلنے پر معلوم ہو جاوے گا ۔ آپ کی ہمدردی دینی کے معلوم کرنے سے با بار بار آپ کے لئے دعا نکلتی ہے کہ خداو کریم جل شانہ آپ کو محمود الدنیا والعاقبت کرے۔ یہ نہایت خوشی کی بات ہے کہ آپ نے دوسو رسالہ سراج منیر اپنے ذمہ لے لیا ہے ۔ جزاکم اللہ خیرا ۔ ملاقات کو دل چاہتا ہے ۔ اگر آپ کو کسی وقت فرصت ملے تو اول اطلاع بخشیں ۔ ۱۸ اپریل ۱۸۸۷ء والسلام خاکسار غلام احمد از قادیان نوٹ : اس مکتوب میں جس رسالہ کا ذکر حضرت اقدس نے کیا ہے اس سے مراد قرآنی صداقتوں کا جلوہ گاہ ہے جو آپ ماہوار جاری فرمانا چاہتے تھے ۔ اس کا اعلان آپ نے شحنہ حق میں بھی فرمایا تھا ۔ مگر بعد کے واقعات اور حالات نے حضور کو اور طرف متوجہ کر دیا۔ پھر ایک زمانہ میں نورالقرآن آپ نے شائع کرنا شروع فرمایا۔ چونکہ یہ رسائل کسی تجارتی اصول پر جاری نہیں کرنے چاہے تھے اس لئے دونمبروں کے بعد یہ رسالہ بند ہو گیا ہے ۔ مگر خدا تعالیٰ نے آپ کے مقاصد و منشاء کی اشاعت کے سامان اخبارات اور رسالجات کی صورت میں کر دیئے جو آج کئی زبانوں میں جاری ہیں ۔ عرفانی