خطبات وقف جدید — Page 205
205 حضرت خلیفہ امسیح الثالث دیگر ادیان پر غالب آئے گا اور گو آج محمد ﷺ کو برا بھلا کہنے والی دنیا کی اکثریت ہے لیکن ان میں سے اکثریت نہیں بلکہ یہ سارے ہی یعنی تمام نوع انسانی (سوائے چند استثناء کے محمد ﷺ کے پیار کو حاصل کرے گی اور آپ کے پیار میں مست ہوگی۔ہماری یہ خواہش ہے کہ ہم یہ دن دیکھیں۔خدا تعالیٰ ہمیں یہ توفیق دے کہ اس خواہش کو پورا ہوتے دیکھنے کیلئے جو ہماری ذمہ داریاں ہیں ہم ان کو پورا کرنے والے ہوں۔صلى الله وقف جدید کے لئے جو میں نے اب ایک نیا باب کھولا ہے وقف جدید اس کیلئے کوشش کرے اور جماعت کیلئے میں دعا کرتا ہوں اور آپ بھی دعا کریں کہ آپ کو یہ توفیق ملے کہ ہر جماعت اس قسم کے آدمی بھیجے یہ سنت نبوی بھی ہے کہ اس قسم کے وفود کو آپ تربیت دیا کرتے تھے۔یہ ہمارا تاریخی ورثہ ہے۔میں کوئی نئی چیز آپ کے سامنے نہیں رکھ رہا۔نبی کریم ہے کے وقت میں ہر علاقے اور ہر قبیلے کے لوگ آکر دین سیکھتے ، قرآن کریم کا علم حاصل کرتے اور واپس جا کر دوسروں کو سکھاتے تھے ہم اسے کیوں بھول گئے؟ بڑے افسوس کی بات ہے۔بہر حال دنیا کی ضرورت نے مجبور کیا اور یہ چیز نمایاں ہوکر ہمارے سامنے آگئی ہے اور دعاؤں کے بغیر ہمیں اس کی توفیق نہیں مل سکتی۔پس بہت دعائیں کریں کہ اس مہم کو سر کرنے کی اور پیار اور محبت کے ساتھ دنیا کو آداب اور اخلاق سکھانے کی اور روحانی میدانوں میں آگے بڑھا کر خدا تعالیٰ کے پیار اور اس کی مرضات کو حاصل کرنے کی اللہ تعالیٰ جماعت کو جلد توفیق عطا کرے۔الفضل ربوہ 28 فروری 1976ء)