خطباتِ ناصر (جلد 8۔ 1979ء، 1980ء) — Page 584
خطبات ناصر جلد ہشتم ۵۸۴ خطبه جمعه ۸ فروری ۱۹۸۰ء ہمیں داخل کرے گا مرنے کے بعد یا غضب کی آگ میں انسان کو جلنا پڑے گا۔تو یہ ایسے اعمال ہیں جزا اور سزا جن سے متعلق ہیں۔بعض ایسے اعمال ہیں جن کے ساتھ جزا اور سزا متعلق نہیں جنت معمور الاوقات ہے۔نکتا نہیں بیٹھے گا انسان۔خدا کی جنتوں میں کام کرنا پڑے گا اور اس کی دو مثالیں اس آیت میں خدا تعالیٰ نے دی ہیں خدا تعالیٰ کی تسبیح اور تحمید کرنا۔دَعْوهُمْ فِيهَا سُبْحَنَكَ اللَّهُم وَأَخِرُ دَعْوبُهُمْ أَنِ الْحَمدُ لِلَّهِ رَبِّ الْعَلَمِيْنَ اور بڑا عمل جنتیوں کا اللہ تعالیٰ کے پیار میں اس کی تسبیح اس کی نقد میں اس کی حمد کرنا یہ عمل ہوگا اور دوسرا انسانوں کے ساتھ تعلق رکھنے والا عمل ہوگا اور وہ یہ ہوگا۔تَحِيَّتُهُمْ فِيهَا سَلم ان کے لئے دعائیں کرنا۔یہ دعا کرنا کہ اللہ تعالیٰ کے فضل اور اس کی رحمتیں اور اس کے پیار کے جلوے پہلے سے زیادہ نازل ہوں تم پر ایک دوسرے کے لئے دعا کر رہے ہوں گے۔یہ نہیں ہوگا کہ انسان مرنے کے بعد جس جنت میں جائے گا جب وہ وہاں سُبْحَانَ اللهِ اللهُ أَكْبَرُ - اَلْحَمْدُ لِلهِ کہے گا تو خدا تعالیٰ اس دنیا میں تو بعض انسانوں کو کہتا ہے کہ تم زبان سے سُبحان اللہ کہہ رہے ہو مگر تمہارا عمل بتا رہا ہے کہ تم خدا تعالیٰ میں ہزار عیب بھی دیکھ رہے ہو حالانکہ خدا تعالیٰ میں تو کوئی عیب نہیں ہے۔وہ تو ہر لحاظ سے، ہر پہلو سے، ہر جہت سے اوپر نیچے ظاہر و باطن، ہر لحاظ سے پاک ہے پاکیزگی کا سر چشمہ ہے لیکن تم خدا تعالیٰ کو ایک ہی زبان سے رازق بھی کہہ رہے ہوتے ہو اور اسی زبان سے تم لوگوں سے مانگ بھی رہے ہوتے ہو۔تم خدا کو رازق سمجھتے ہوئے۔رشوت دینے کے لئے بھی تیار ہو جاتے ہولیکن اس قسم کا نقص اور خامی جنت کی دعاؤں میں نہیں ہوگی کہ جس کے نتیجہ میں خدا تعالیٰ کی تسبیح اور تحمید بھی رڈ کر دی جاتی ہے بلکہ پاک زبانوں سے پاک خدا تعالیٰ کی پاک حمد کے ترانے نکلیں گے۔جو خدا کو پیارے لگیں گے اور اس کے نتیجے میں آنحضرت صلی اللہ علیہ وسلم نے فرمایا کہ ہر روز جنتی ان اعمال مقبولہ کے نتیجہ میں خدا کے پیار کو پہلے دن سے زیادہ حاصل کرنے والے ہوں گے۔تو وہاں عمل ہے لیکن یہ خطرہ نہیں کہ ناکام ہو جائیں گے۔خطرات سے پاک عمل جنت میں بھی ہیں۔دعائیں ہیں جس کی مثال یہاں دی گئی ہے۔