خلافت ۔ روشنی صبح ازل کی — Page 437
۴۳۳ کچھ اور ہے جس کو احرار نے مٹانے کی کوشش کی تھی ، اس سے آج سینکڑوں گنا زیادہ طاقتور ہے جتنی اس وقت ۱۹۳۳ ء و ۱۹۳۴ء میں تھی۔آج جس جماعت کو مٹانے کی یہ کوشش کر رہے ہیں میں آپ کو یقین دلاتا ہوں کہ کل یہی جماعت سینکڑوں گنا اُبھرے گی اور چھوٹے چھوٹے ممالک و ہم بھی نہیں کر سکیں گے کہ ہم اکیلے اس جماعت کے او پر حملہ کرنے کا بھی خیال کر سکتے ہیں۔اگلی نسلیں جو مخالفتیں دیکھیں گی وہ بڑی بڑی حکومتوں کے اجتماع کی مخالفتیں ہوں گی۔۔۔یہ چھوٹی چھوٹی چند حکومتیں مل کر جن کی اپنی کوئی حیثیت نہیں ہے۔جو دنیا سے مانگ کر پلتی ہیں اور ہر چیز میں محتاجی رکھتی ہیں اور خدا نے جو تھوڑا بہت دیا ہے اسی پر تکبر کا یہ عالم ہو گیا ہے کہ خدا کی جماعتوں سے ٹکر لینے کی سوچ رہی ہیں۔پس یہ دور مٹنے والا دور ہے۔آئندہ بھی مخالفت ضرور ہوگی اس سے کوئی انکار نہیں ہے کیونکہ جماعت کی تقدیر میں یہ لکھا ہوا ہے کہ مشکل راستوں سے گزرے اور ترقیات کے بعد نئی ترقیات کی منازل میں داخل ہو۔یہ مشکلات ہی ہیں جو جماعت کی زندگی کا سامان مہیا کرتی ہیں۔اس مخالفت کے بعد جو وسیع پیمانے پر مجھے مخالفت نظر آرہی ہے وہ ایک دوحکومتوں کا قصہ نہیں، اس میں بڑی بڑی حکومتیں مل کر جماعت کو مٹانے کی سازشیں کریں گی اور جتنی بڑی سازشیں ہوں گی اتنی ہی بڑی ناکامی اُن کے مقدر میں بھی لکھ دی جائے گی۔مجھ سے پہلے خلفاء نے آئندہ آنے والے خلفاء کو حوصلہ دیا تھا اور کہا تھا کہ تم خدا پر توکل رکھنا اور کسی مخالفت کا خوف نہیں کھانا۔اے حضرت خلیفہ امسیح الثانی نے فرمایا تھا کہ ” جب بھی انتخاب خلافت کا وقت آئے اور مقررہ طریق کے (بقیہ حاشیہ اگلے صفحہ پر )