حیاتِ احمد (حیاتِ احمد۔ جلد چہارم) — Page 358
حیات احمد ۳۵۸ خدا کا مارا کبھی نہیں بچتا جلد چهارم خدا کی قسم سے انکار کرنے والا نیست و نابود کیا جائے گا چونکہ مسٹر عبد اللہ آتھم صاحب ۲۷ / جولائی ۱۸۹۶ء کو بمقام فیروز پور فوت ہو گئے ہیں اس لئے ہم قرین مصلحت سمجھتے ہیں کہ پبلک کو وہ پیشگوئیاں دوبارہ یاد دلا دیں جن میں لکھا تھا کہ آٹھم صاحب اگر تم نہیں کھائیں گے تو اس انکار سے جو ان کا اصل مدعا ہے یعنی باقی ماندہ عمر سے ایک کافی حصہ پانا یہ ان کو ہرگز حاصل نہیں ہوگا۔بلکہ انکار کے بعد جو ان کی بے باکی کی علامت ہے جلدی اس جہاں سے اٹھائے جائیں گے۔چنانچہ ایسا ہی ہوا۔اور ابھی ہمارے اشتہار ۳۰ دسمبر ۱۸۹۵ء پر سات مہینے نہیں گزرے تھے کہ وہ اس جہاں سے گزر گئے اور وہ پیشگوئیاں جو کہ ان کی اس موت پر دلالت کرتی ہیں اور پہلے اشتہارات میں درج ہیں یہ ہیں۔اوّل۔ضرور تھا کہ وہ کامل عذاب ( یعنی موت ) اس وقت تک تھما رہے جب تک کہ وہ ( یعنی آتھم ) بیا کی اور شوخی سے اپنے ہاتھ سے اپنے لئے ہلاکت کے اسباب پیدا کرے۔“ ( دیکھو انوار الاسلام صفحہ۴۔روحانی خزائن جلد 9 صفحہ ۵) دوم۔وہ بڑا ہادیہ جو موت سے تعبیر کیا گیا ہے اس میں کسی قدر ( آتھم صاحب کو مہلت دی گئی۔( یعنی تھوڑی سی مہلت کے بعد پھر موت آئے گی) دیکھو انوار الاسلام روحانی خزائن جلد ۹ صفحه ۶) سوم۔” اور یاد رہے کہ مسٹر عبد اللہ آتھم میں کامل عذاب (یعنی موت ) کی بنیادی اینٹ رکھ دی گئی ہے اور وہ عنقریب بعض تحریکات سے ظہور میں آجائے گی۔خدا تعالیٰ کے تمام کام اعتدال اور رحم سے ہیں۔وہ کینہ ور انسان کی طرح خواہ نخواہ جلد باز نہیں۔“ ( دیکھو انورالاسلام صفحه، اروحانی خزائن جلد ۹ صفحه ۱۱،۱۰)