حیاتِ احمد (حیاتِ احمد۔ جلد چہارم) — Page 340
حیات احمد ۳۴۰ جلد چهارم اشتہار تین ہزار روپیہ انعام کا شائع کیا۔اس کے پہلے حصہ میں علمائے مکفرین یا دوسرے لوگوں کے اعتراضات کا جواب ہے اور دوسرے حصہ میں آتھم کے نام ایک کھلا خط ہے اس کے شروع میں آپ نے فرمایا۔اشتہار انعامی تین ہزار بمرتبہ سوئم اس تحریر میں آتھم صاحب کے لئے تین ہزار روپیہ انعام مقرر کیا گیا ہے اور انعام بعد قسم بلا توقف دو معتبر متمول لوگوں کا تحریری ضمانت نامہ لے کر ان کے حوالہ کیا جاوے گا اور اگر چاہیں تو قسم سے پہلے ہی باضابطہ تحریر لے کر یہ روپیہ ان کے حوالہ ہوسکتا ہے یا ایسے دو شخصوں کے حوالہ ہو سکتا ہے جن کو وہ پسند کریں۔اور اگر ہم بشرائط مذکورہ بالا روپیہ دینے سے پہلو تہی کریں تو ہم کا ذب ٹہریں گے مگر چاہیے کہ ایسی درخواست روز اشاعت سے ایک ہفتہ کے اندر آوے اور ہم مجاز ہوں گے کہ تین ہفتہ کے اندر کسی تاریخ پر روپیہ لے کر آتھم صاحب کی خدمت میں حاضر ہو جائیں لیکن اگر آتھم صاحب کی طرف سے رجسٹری شده خط آنے کے بعد ہم تین ہفتہ کے اندر تین ہزار روپیہ نقد لے کر امرتسر یا فیروز پور یا جس جگہ پنجاب کے شہروں میں سے آٹھم صاحب فرماویں ان کے پاس حاضر نہ ہوں تو بلاشبہ ہم جھوٹے ہو گئے اور بعد میں کوئی حق باقی نہیں رہے گا۔جو انہیں ملزم کریں بلکہ خود ہم ہمیشہ کے لئے ملزم اور مغلوب 66 اور جھوٹے متصور ہوں گے۔“ تبلیغ رسالت جلد ۳ صفحه ۱۳۶ ، ۱۳۷- مجموعه اشتہارات جلد اصفحه ۴۱۵ طبع بار دوم )