حیاتِ احمد (حیاتِ احمد۔ جلد سوم) — Page 381
حیات احمد ۳۸۱ جلد سوم طریق کو پڑھ کر ہر سعید الفطرت یقین کرے گا اور ہزاروں لاکھوں نے کیا کہ آپ اپنے دعوئی میں صادق ہیں اور وہ طریق گونہ استخارہ کا رنگ رکھتا ہے۔تبلیغ روحانی چنانچہ آپ نے تبلیغ روحانی کے عنوان سے ایک اعلان نشانِ آسمانی میں شائع کیا۔اور اس کے ضمن میں آپ نے فرمایا۔اس جگہ یہ بھی بطور تبلیغ کے لکھتا ہوں کہ حق کے طالب جو مواخذہ الہی سے ڈرتے ہیں وہ بلا تحقیق اس زمانہ کے مولویوں کے پیچھے نہ چلیں اور آخری زمانہ کے مولویوں سے جیسا کہ پیغمبر خدا صلی اللہ علیہ وسلّم نے ڈرایا ہے ویسا ہی ڈرتے رہیں اور اُن کے فتووں کو دیکھ کر حیران نہ ہو جاویں کیونکہ یہ فتوے کوئی نئی بات نہیں۔اور اگر اس عاجز پر شک ہو اور وہ دعویٰ جو اس عاجز نے کیا اس کی صحت کی نسبت دل میں شبہ ہو تو میں ایک آسان صورت رفع شک کی بتلاتا ہوں جس سے ایک طالب صادق انشاء اللہ مطمئن ہو سکتا ہے۔اور وہ یہ ہے کہ اوّل تو بہ نصوح کر کے رات کے وقت دو رکعت نماز پڑھیں۔جس کی پہلی رکعت میں سورۃ یسین اور دوسری رکعت میں اکیس مرتبہ سورہ اخلاص ہو اور پھر بعد اس کے تین سو مرتبہ درود شریف اور تین سو مرتبہ استغفار پڑھ کر خدا تعالیٰ سے یہ دعا کریں کہ اے قادر کریم تو پوشیدہ حالات کو جانتا ہے اور ہم نہیں جانتے اور مردود اور مفتری اور صادق تیری نظر سے پوشیدہ نہیں رہ سکتا۔پس ہم عاجزی سے تیری جناب میں التجا کرتے ہیں کہ اس شخص کا تیرے نزدیک که جو مسیح موعود اور مہدی اور مجد دالوقت ہونے کا دعویٰ کرتا ہے کیا حال ہے۔کیا صادق ہے یا کاذب اور مقبول ہے یا مردود اپنے فضل سے یہ حال رویا یا کشف یا