حیاتِ احمد (حیاتِ احمد۔ جلد دوم) — Page 24
حیات احمد ۲۴ جلد دوم حصہ اوّل عقدہ کشائی نہ چاہے اور دلی صدق سے حاضر نہ ہو تو ہماری طرف سے اس پر اتمام حجت ہے جس کا خدا تعالیٰ کے رو برو اس کو جواب دینا پڑے گا۔بالآ خر اس اشتہار کو اس دعا پر ختم کیا جاتا ہے کہ اے خداوند کریم تمام قوموں کے مستعد دلوں کو ہدایت بخش که تا تیرے رسول مقبول افضل الرسل محمد مصطفی صلی اللہ علیہ وسلم اور تیری کامل مقدس کلام قرآن شریف پر ایمان لاویں اور اس کے حکموں پر چلیں تا ان تمام برکتوں اور سعادتوں اور حقیقی خوشحالیوں سے متمتع ہو جاویں کہ جو بچے مسلمان کو دونوں جہانوں میں ملتی ہیں۔اور اس جاودانی نجات اور حیات سے بہرہ ور ہوں کہ جو نہ صرف عقبی میں حاصل ہوسکتی ہے بلکہ بچے راستباز اسی دنیا میں اس کو پاتے ہیں بالخصوص قوم انگریز جنہوں نے ابھی تک اس آفتاب صداقت سے کچھ روشنی حاصل نہیں کی اور جن کی شائستہ اور مہذب اور بارحم گورنمنٹ نے ہم کو اپنے احسانات اور دوستانہ معاونت سے ممنون کر کے اس بات کے لئے دلی جوش بخشا ہے کہ ہم ان کی دنیا و دین کے لئے دلی جوش سے بہبودی اور سلامتی چاہیں تا ان کے گورے و سپید منہ جس طرح دنیا میں خوبصورت ہیں آخرت میں نورانی و منو رہوں۔فَتَسْأَلُ الله تَعَالَى خَيْرَهُمْ فِي الدُّنْيَا وَالْآخِرَةِ ، اللَّهُمَّ اهْدِهِمْ وَ اَيْدُهُمْ بِرُوْحِ مِّنْكَ وَاجْعَلْ لَّهُمْ حَظًّا كَثِيرًا فِي دِينِكَ وَ اجْذِبْهُمْ بِحَوْلِكَ وَقُوَّتِكَ لِيُؤْمِنُوْا بِكِتَابِكَ وَرَسُولِكَ وَيَدْخُلُوْا فِي دِيْنِ اللَّهِ أَفْوَاجًا آمِين ثُمَّ آمِين وَالْحَمْدُ لِلَّهِ رَبِّ العَالَمِين ـشهر خاکسار مرزا غلام احمد از قادیان ضلع گورداسپور ملک پنجاب مطبوعہ ریاض ہند امرتسر ( میں ہزار اشتہار چھاپے گئے ) تبلیغ رسالت جلد ا صفحه ۱۴ تا ۱۶ - مجموعه اشتہارات جلد ا صفحه ۲۷، ۲۸ بار دوم )