دینی نصاب — Page 22
ہو۔اگر دوسری مسجد میں جائے جہاں پہلے سے امام مقرر ہے تو وہاں وہی امام ہوگا۔سوائے اس کے کہ وہ دوسرے کو امامت کی اجازت دے۔اسی طرح اگر کوئی شخص کسی کے مکان پر ملنے جائے تو مالک مکان امام ہوگا۔سوائے اس کے کہ وہ دوسرے کو اجازت دے۔قرآن کریم کے حفظ کے لحاظ سے نابالغ بھی امام ہوسکتا ہے۔۲۷- امام اور مقتدی ایک ہی سطح پر ہونے چاہئیں لیکن اگر جگہ نہ ہو تو مقتدی امام سے اونچی یا نیچی جگہ پر کھڑے ہو سکتے ہیں بشرطیکہ کچھ مقتدی امام کے ساتھ برابر کی سطح میں موجود ہوں۔۲۸ - مرد عورتوں کا امام ہوسکتا ہے خواہ مقتدی صرف عورتیں ہوں یا مرداور عورتیں ملے جلے۔عورت مردوں کی امام نہیں ہو سکتی البتہ عورتوں کی امام ہو سکتی ہے۔جب مرد امام ہو اور مقتدی صرف ایک عورت ہوتو وہ اکیلی پیچھے کھڑی ہوگی۔اگر مقتدی امام کی بیوی یا محرم ہو یعنی بہن، بیٹی وغیرہ تو وہ مرد کے ساتھ کھڑی ہوسکتی ہے۔۲۹- اگر امام مسافر ہو تو وہ دوگا نہ پڑھے گا اور جو مقتدی مقیم ہیں وہ امام کے سلام پھیر نے کے بعد اپنی نماز مکمل کریں گے۔۳۰۔اگر امام کھڑے ہونے سے معذور ہوتو وہ بیٹھ کر بھی نماز پڑھا سکتا ہے لیکن مقتدی اس کے پیچھے کھڑے ہو کر نماز پڑھیں گے۔۳۱۔اگر امام کا نماز پڑھاتے وقت وضو ٹوٹ جائے تو وہ مقتدیوں میں سے کسی کو امام بنائے اور آپ الگ ہو جائے۔۳۲۔کوئی مقتدی امام سے آگے ہو کر نماز نہیں پڑھ سکتا۔۳۳۔نماز میں مسنون دُعاؤں کے علاوہ اپنی زبان میں بھی دُعائیں کرنی چاہئیں۔اس بارے میں حضرت مسیح موعود علیہ السلام فرماتے ہیں:۔نماز کے اندر اپنی زبان میں دُعا مانگنی چاہیے کیونکہ اپنی زبان میں دعا مانگنے سے پورا 22