دینی نصاب — Page 23
جوش پیدا ہوتا ہے۔نماز کے اندر ہر موقعہ پر دُعا کی جاسکتی ہے۔رکوع میں بعد تسبیح ،سجدہ میں بعد تسبیح ، التحیات کے بعد، کھڑے ہو کر ، رکوع کے بعد بہت دُعائیں کرو۔تا کہ مالا مال ( ملفوظات جلد نهم صفحه ۵۵) ہو جاؤ۔۳۴۔ایک وقت کی نماز بھی اگر جان بوجھ کر ترک کی جائے تو یہ کفر کی حالت کو پہنچا دیتی ہے۔اس کیلئے بہت تو بہ اور استغفار کرنی چاہیئے۔اگر کسی بھول کی وجہ سے کوئی نماز رہ جائے تو قضا ادا کرے اور استغفار وتو بہ لازم ہے۔نماز جمعہ : ا۔نماز جمعہ کا وقت وہی ہے جوظہر کا ہے لیکن کسی ضرورت کی وجہ سے امام وقت کی اجازت سے سورج ڈھلنے سے پہلے بھی جمعہ پڑھا جاسکتا ہے۔۲۔جمعہ کی نماز سب مسلمان مردوں پر جو مقیم ہوں فرض ہے۔جمعہ عورتوں پر واجب نہیں۔البتہ اگرفتنہ کا ڈر نہ ہو اور پردہ کا انتظام ہو تو عورتیں بھی جمعہ پڑھ سکتی ہیں۔حضرت مسیح موعود علیہ السلام فرماتے ہیں :۔آنحضرت صلی اللہ علیہ وسلم نے عورتوں کو جب مستی کر دیا ہے تو پھر یہ حکم صرف مردوں کیلئے ہی رہا۔“ ( ملفوظات جلد ششم صفحه ۱۲۹) مسافر پر جمعہ واجب نہیں۔سفر میں ہوں تو خواہ ظہر پڑھیں۔-۳- اگر کسی جگہ تین مرد ہوں تو ضرور جمعہ پڑھیں۔اگر تمین کی تعداد پوری نہ ہو تو عورتوں کو شامل کر لیا جائے۔حضرت مسیح موعود علیہ السلام کے سامنے یہ مسئلہ پیش ہوا کہ دو احمدی کسی گاؤں میں ہوں تو وہ بھی جمعہ پڑھ لیا کریں یا نہ۔حضور نے فرمایا: ہاں پڑھ لیا کریں۔فقہاء نے تین آدمی لکھے ہیں۔اگر کوئی اکیلا ہو تو وہ اپنی بیوی وغیرہ کو پیچھے کھڑا کر کے تعداد پوری کر سکتا ہے۔“ 23 ( ملفوظات جلد نهم صفحه ۲۱۴)