انوارالعلوم (جلد 16) — Page 508
انوار العلوم جلد ۱۶ نظام تو اچھے حساب دان ہوں اُن کی اولاد میں عام طور پر اچھے حساب دان پیدا ہوتے ہیں۔اسی طرح جو شخص جس فن کا ماہر ہو وہ فن بالعموم ورثہ کے طور پر اُس کی اولاد میں منتقل ہو جاتا ہے۔اسی وجہ سے بعض خاندان اور بعض اقوام خاص خاص علوم اور خاص خاص فنون میں ماہر سمجھی جاتی ہیں۔مثلاً اٹلی میں اچھے مصوّر اور اچھا با جا بجانے والے پائے جاتے ہیں، کشمیری کھانا پکانے کا فن اور خوشخطی کا فن خوب جانتے ہیں ، یہی حال بعض اور قوموں کا ہے۔یہ چیز نسلی طور پر بھی ترقی کرتی ہے۔چنانچہ جو شخص بہادر ہو اُس کا بیٹا بالعموم بہادر ہی ہوتا ہے پنچابی میں اسے تخم تأثیر کہتے ہیں۔اور سائنس سے بھی ثابت ہوتا ہے کہ انسان کے اخلاق کے ذرات خواہ وہ اچھے ہوں یا بُرے، نسل میں منتقل ہوتے رہتے ہیں۔جس قسم کے اخلاق کسی انسان میں پائے جاتے ہیں اُسی قسم کے ذرے اُس کی نسل میں منتقل ہوتے رہتے ہیں۔شجاعت، صداقت، عفت علم سے شغف یا اس قسم کے اور اخلاق نسلوں میں منتقل ہو جاتے ہیں۔ایسے ذرات کبھی دوسری پشت میں کبھی چوتھی پشت میں اور کبھی آٹھویں یا دسویں پشت میں ظاہر ہو جاتے ہیں حالانکہ وہ ذرات اُس کے کسی پڑدادا بلکہ نکڑ دادا میں پائے جاتے تھے۔پنچابیوں نے اسی سے تخم تأثیر کا اصل نکالا ہے۔اِس میں کوئی شبہ نہیں کہ صحبت کا اثر بھی بہت بڑا ہوتا ہے مگر اس میں بھی کوئی مجبہ نہیں کہ نسلاً بعد نسل بعض اخلاق وصفات منتقل ہوتی چلی جاتی ہیں مگر یہ چیز قدرتی طور پر اُن قوموں میں بہت کم ہو جائے گی جن پر بالشویک تحریک کا اثر ہو کیونکہ ترقی کے لئے وسعتِ خیال کے مادہ کا ہونا اور کسی محرک کا ہونا ضروری ہوتا ہے اور اس تحریک میں اس محترک کو بہت کمزور کر دیا گیا ہے۔کمیونزم کا دوسرا نقص یعنی جبر و اکراہ اور اس کا نتیجہ دوسراقص اس تحریک میں یہ ہے کہ جبر کا دروازہ کھول کر فساد کو جاری کر دیا گیا ہے۔اگر اس تحریک کے بانی یہ کرتے کہ آہستگی سے اُمراء کو عادی بنا کر اُن سے دولت لے لیتے تو اس میں کوئی حرج نہ تھا مگر انہوں نے یکدم اُن کی دولت کو لوٹ لیا اور وہ جو ہر وقت نوکروں کے جمگھٹے میں رہتے تھے انہیں اس سے محروم کر دیا۔گویا دوسرے لفظوں میں ان کے ساتھ یہ سلوک کیا کہ انہیں محلات سے اُٹھا کر چوہڑوں کے مکانوں میں بھیج دیا۔اس قسم کے تغیرات کا لازمی نتیجہ یہ ہوتا ہے کہ فساد شروع ہو جاتا ہے کیونکہ ہر تغیر سے پہلے اُس کے مناسب حال ماحول پیدا کرنا بھی ضروری ہوتا ہے اچھا باغبان جب کسی ۳۵